Zual Ko : A Faak hleikhun Ee, Himnak le nunnak kawl ah mi khuachin tiang kan vaak. Himnak kawlnak hmun Ah Kan Thi

A Faak Hleikhun , Pi Fung Zi ( Tha Hlei Iang nu) Kum 36 : Thantlang khua, lungtial sang khua sa mi Pi Fung Zi cu Mizoram Lungzarhtum khua ah an chungkhar in ralzaam dirhmun in khua an sa. An nun pawcawmnak caah an umnak ralzam camp in furlong 2 tluk a hlatnak ah a hawinu Tang Tang he lung an deng tawn.

May be an image of 1 person, standing, tree, outdoors and text

Pick up motor 4 phur an zuar manh. Ni dang tawn bantuk in June14,2022 ni zong an deng than i an den cuah mah lio ah lamchak in lung a ril mi nih sml 11 le 12 kar ah a lu ah a tlak. Siaha sizung in Aizawl sizung tiang an phakpi manh ko nain a nunnak chanh khawh ti lo in June 20,2022 zan sml 10:30 tluk ah, a dawtmi a va le a fanu le 3 kaltak in a nunnak a liam.

May be an image of 2 people, people standing, tree, outdoors and text that says "Lung an dennak"

June21,2022 zanlei sml 5:30 tluk ah an ral zamnak khua Lungzarhtum thlanmual ah a ruak vui a si. Himnak le nunnak kawl ah mi khuachin tiang kan vaak. Himnak kawlnak hmun i thih cu lo thihfak thih le fa hniang rual hna inn rep lo le mi khuachin i ngaktah nun hon tuar hna lai ruah ah lungthin a fak hleikhun tuk hringhran. Taan takmi hna caah thlacam philh hna usih. Credit : Rev. Neely Laiuk

Be the first to comment

Leave a Reply

Your email address will not be published.


*