Uttar Pradesh. Deoria i khuasa mi nungak tleirawl kum 17 mi te cu Jeans bawngbi hruk a huam tuk ruangah a chung le pawl nih cun an vuak len ti theih a si.An vuak tuknak ah a hnuah cun a hliamhma tuar kho ti loin a thi ti theih a si.Hi thil duh nung lo tukmi hi Savreji khuate khuaah naite ah khan thil cangmi si i tleirawl kum 17 te lawng a si rihmi Neha Paswan cu jeans bawngpi ai hruk hnuah a chung le nih cun an vuak len ti theih a si.
A nu nih report a pekmi i a langh ningah cun a fanu hi a lu ah hliamhma fak tukmi a tuar ti a chim i an vuak tuknak ah a thimi si tizong a chim chih.Hi tleirawl nute i a ta hngakchia deuh pa nih a chim ningah cun a tir ah cun a pate le a pu nih cun a farnu cu jeans bawngpi ai hruk ruangah cun an soisel tuk tawn i voi tamnfai i hruk ti lo dingin an chimh tawn ti tiin a ta pa nih cun a chim.
Vanchiat tongmi tleirawl kum 17 nute thihnak kongah hin lunghrinh mi hna minung 10 cungah cun a nu nih cun complain a tuah ti theih a si i hi tlei rawl vuatu hna cungah hin section 201 kutdang ah case tuah piak an si tiah theih a si.Police pawl nih thil umning an hlatmi i an hmuh khawh ningah cun hi nungak tleirawl nih jeans a duh tukmi cu an zoh khawh lo caah le thing dawh lo a si tiah an ti caah hi bantukin thil a cannak hi a si tiah theih a si.
Leave a Reply