Zantim Khuamang Ah “Lumin” Cu A Nupile fale Hmai ah Mithli he Palik nih An Hruai Lio A Nupi A tap Tuk Zoh Ah lung A Fak Ko (+Video)

Kawlram lemcangthiam minthang “Lumin” cu a mah umnak inn ah February 20 zinglei nazi 1:00 Am ah palik nih an va tlaih tiah theih a si . Lumin te inn ah palik an va kal i kutka rak kan onh u an i hna tik ah an onh duh hna lo i an mah palik bak nih an kutka cu thir tan nak in an tan i Lumin cu a kut an khih i nawlngeitu nih va tlai u a kan ti an ti i an hruai colh .

Image result for minta lumin

Lumin nupi nih a thloh chih hna nain zeisan hmanh a tlai lo i khawika dah kalpi nan timh tiah a mitthli he a hal hna zong ah chim awk a tha lo ti lawng an leh i Lumin cu khawika ah dah an hruai lai timi zong theihlo in a nupi le fale hmai ah cun zantim khuamang ah palik nih lo diam an hruai ko .

Image result for minta lumin

Lumin hi CDM ah biatak tein a cawlcang mi a si i culawng siloin Celebrity pawl vialte zong ralkap uknak duhlo langhter nak ah biatak tein a hruaitu hna a si i a mah hi fek tein NLD ah a dir pengmi a si fawn . Tuan deuh ah khan Lumin nih hin cozah riantlai pawl hi office kailo dingin a forh hna tiah ralkap lei in tazacuai an timh cang mi a si .

Kawl ralkap nih an i timh bik mi cu zantim le khuamang ah mipi lei i an hruaitu a simi poah va tlaih thluahmah hna in , mipi lei cawlcang kho tilo dingin tuah i cu hnu ah nawlngeihnak hi an mah nih tlaih thai hi an i timh mi a si . Sihmanhseh diknak cu diknak a si ko caah tihding zeihmanh  aum hlei lo i a donghak ah cun diknak thiam nih teinak a hmuh fawn te ko lai .

 

 

Be the first to comment

Leave a Reply

Your email address will not be published.


*