“Zangfah Nak Tein Rak Ka Nenh Ti Hlah Ka Thaw Ka Chuah Kho Ti lo” A Ti Nan A Nenhchih i A Thattu Palik Pa Cu Tleih A Si Cang

US hmunkip ah mipi a buaiter tu George Floyd thihnak kong he pehtlai in nithum chung mipi nih lamzawh nak an ngeih hnu ah George Floyd a khup in a nenh i a that tu palik pa cu lainawn case in an tleih cang tiah kan theih .George Floyd timi minak pa kum 46 pa cu Chicago Avenue hrawng ah document tling lo , tangka lem a thawngtham timi kong he pehtlai i n palik 4 nih May 25 ah khan an tleih i a hnu lei ah kutkhih in an khih cang ko bu in George Floyd cu vawlei ah an nenh chih i palik pakhat nih a hngawng bak ah a khup in a nenh chih i thawchuah kho tuk lo in saupi chung cu ti cun a nenh chih peng .

George Floyd nih cun zangfah nak tein rak ka nenh ti hlah ka thaw ka chuah kho ti lo ka thi tak tak ko lai ee thawchuah awk ka ngei ti lo rak ka nenh ti hlah tiah zangfah a nawl chih nain palik pa nih cun zeihmanh ah a rel piak lo i cu ti cun a khup pi cun vawlei ah a hnawng ah cun a nenh chih peng thiam thiam .a donghnak ah cun George Floyd a kaa chungin cilkari a hung chuak i a holh kho ti lo . an kingkap i mipi a hmutu pawl nih cun na khup khan nenh chih ti hlah a thaw a pit cang kha , a thaw a chuah khawh than sual ah thlah cang ko tiah palik pa cu an nawl chih len ve . a si nain palik pawl nih cun mipi aw an cu zeihmanh ah an rel piak hlei hna lo i George Floyd cu palik pa nih a khup in a nenh chih ning te cun a thi .

A hnu ah sizung ah a ran khawh chungin an tlik pi nain chanhkhawh a si ti lo i cu ti cun Georde Floyd cu ngeihchia le lungfak ngai in vui a si .George Floyd a thihnak kong he pehtlai in mipi a hohmanh an lung a tling lo i an lung a fak cio i a thaizing May 26 in mipi nih lam zawh in an duh lo nak le Georgde Floyd a thihnak kong ah dik nak in rorel nak hmu hram seh tiah mipi nih lamzawh in an aupi colh ve .George Floyd a khup in a nenhtu palik pakhat lawng si lo in George Floyd a thih lio i an kam i a um ve mi palik dang a hawile 4 zong hremnak pek siseh tiah an aupi hi a si .

George Floyd a chung le an lungtling lo i an fapa thattu an si ti in palik an 4 ning tein hremnak pek hrimhrim si hna seh tiah an aupi ve .May 29 zan ah George Floyd a khup in a nenh i a thattu palik pa “Derek Chauvin” cu lainawn case in tleih a si cang . video ah a langh ning ah cun George Floyd pawngkam ah hin palik minung 4 an um i mivar 2, minak 1 le Asian American 1 an si . tu ah cun mivar pakhat Derek Chauvin lawng tleih a si rih i a dang palik 3 cu an konglam tlamtling in theihfian a si rih lo i nawlngeitu lei nih an buaipi cuahmah lio a si .

FOX News

Be the first to comment

Leave a Reply

Your email address will not be published.


*