Zaan Na Ih Tik Ah Khawika Lei Hoih In Dah Na Ih Tawn ? Atu Thok In Na Theih Ve Cang A Hau

Minung hi zaan kan ih dan aa dang cio i mithen cu zakthal in a itmi an um i mithen cu a sir zawngin a itmi zong an um ve.Asinain a tlangpi in vantuak ti ah zakthal in a it mi nak in a sirlei hoih in a itmi hi tamdeuh dawh a si .A sirlei hoih in a itmi ca ah hin kehlei maw vorhlei hoih in dah na it timi hi a biapi ngai i ngandam nak he zong ai peh tlai mi a si fawn.

Mithiam pawl nih an chim ning ah cun kan keh lei kan hoih i kan it tik ah hin kan ngandam nak tampi a rak bomh ti a si .Curuang ah kehlei hoih in a it thiam lomi kan si ah cun kan cawn ngai a hau tinak a si .Zeiruang ah dah kehlei hoih in kan it tik ah kan ngandam nak caah a rak that hlei tim i kan zoh tuah lai .

Kehlei hoihin kan it tik ah kan taksa chunglei i a thurhnawm mi pawl hlonh dingin a rak bomh khawh ti a si .Kan taksa chung lawng hmanh silo in kan thluak chung i a thurhnawm mi tiang zong a rak hlonh khawh ti a si .Culawng siloin zun lam a thalo mi pawl ca zong ah kehlei hoih in it hi tampi a rak that ter fawn ti a si .Aruang cu kehlei hoih in kan it tik ah kan lung thisen kal a that ter ti a si .

Cun,kehlei hoih in kan it tik ah kan pawpi chung i kan ei ciami rawl pawl kha a hman ning tein kan pawpi nih rian a tuanpiak khawh fawn ti a si .Cucaah zaan kan it tik ah kehlei hoih in it khawh cio cawng hna u sih law i zuam hna u sih .

Be the first to comment

Leave a Reply

Your email address will not be published.


*