Yangon Lei A Service Mi Minung ( 44 ) A Phurtu Shweman Bus Nih Lampi Ah An Rak Kamh Mi “Bomb” Ai Pah ( Rial ) Sual

Myanmar ramchung ,Myipung Township, Kya-in-taung Khaw pawng ,Sittwe-Aan-Yangon Highway Meng 69 le 70 karlak ah May 31 zanlei suimilam 4:45 PM hrawng ah khan Shweman Bus nih cun AA ralkap pawl nih an rak chiah mi Bomh a pah ( rial ) chih sual i a puak tiah Myanmar Times nih cun a tial .

Motor nih hin Bomb cu a lamh (rial) chih ko nain vanthat ah ai cit mi minung cu a hohmanh hliamhma pu lo tein an him dih tiah  police sin in theih than a si .

Shweman Bus i ai cit mi passenger pawl an za pi tein an i cit dingmi motor dang tha tein tuan vo ngeitu hna nih an tuaktan
piak than hna i an i timh mi hmun phan kho dingin an buaipi dih hna tiah Shweman Bus Service ah rian a tuan mi pakhat nih
Myanmar Times sin ah a chim .

Hi Shweman Bus hi Cozah sin ah tha tein registered cia mi a si i , Bomh a pah lio ah hin a chung ah minung passenger 44 an i cit lio a si . an zapi tein ai khawngdeng mi an um lo i shweman bus service lei tuanvo ngei tu hna nih Motor dang an rak thlah than i
passenger minung 44 cu tha tein an phurh than hna . minung ai khong mi an um lo nain Motor tu cu tlawmpal ai rawk nak tete a um . a si nain minung ai khong mi an um lo mi hi kan i lomhbik mi a si ko ee motor cu remh khawh thna a si ko tiah shweman bus ngeitu nih cun a chim ve .

Ref : Mizzima

Be the first to comment

Leave a Reply

Your email address will not be published.


*