Yangon Khuachung i Ralhrang pawl An Cawlcangh Ning Cu Mipi Thinhun Loawk A tha Hrim Ti Lo ee

Ram buainak ruang le Covid boruak ah ei din awk ngei ti lomi puan rang a tar tu pitar pakhat cu SAC ralkap lei tang venguktu a simi nih zungah a uah hleiah a puan rang tarmi cu an rawk piak dih caah veng chung mipi pawl hna cu an thinhung taktak ti si.Cu pitar nu te cu inn hlan man hmanh pe kho lomi dirhmun ah a um i ei din ding zong kan ngei ti lo pawngkam minung hna nih nan kan bawmh hau tiah puan rangin ca an tarmi cu venguk tu pa nawlpeknak in SAC ralkap pawl nih cun an rawk piak.

North Dagon 43 vengah mi pakhat he inn an hlang ti i July 23 ah khan bawmh kan hau tiah ca an rak tar.Mi bawmtu pakhat hnih zong an ngei nain a thaizingah veng uktu pa nih cun zungah a uah hna i an ca tarmi zong cu a rawk piak hna.Venguktu pa nih cun a hnuah cun bawmh na herh a siah mi bawmh nan duh zong a siah ka sinah theihternak ca nan rak tuah hmasa hau cang lai tiah a ti tiah veng chung ummi mi pakhat nih cun a chim.

Mah hmanh nih mi bawmh tung loah mi bawmtu lehlam heh a rak ti len tu SAC ralkap lei tangmi hna cung le ralkap pawl cungah cun vengchung mipi pawl cu an thinhunnak a sosang chinchin ti si.Harsatnak kan tuar lio i buainak a chuah ter chinchin tu veng uktu hi cu a nunkhua zong sau lai lo.PDF a si lo le Yangon khuachung thianh tu hna nih an phuah hrimhrim a hau tiah veng chung um mipi hna nih cun an chim.

Be the first to comment

Leave a Reply

Your email address will not be published.


*