Yangon ah Chin Nu A Inn ah A Thattu An Tleih Khawh Cang , A Umpi Mi A Hawinu Ruang A Rak Si

Myanmar ram Yangon khuapi ah April 23 ah Chin nu Mai Aye Aye cu a um nak inn ah an thah i a that tu hi a zam i police nih an kawl colh i tu ah cun an tleih khawh cang tiah kan theih .Thah a tong mi Aye Aye Thein hi Japan kal ding in timh tuah nak a ngeih caah Yangon ah a hawinu he Bahan ah inn an hlang i cu ti cun an um . April 23 , chun 12Pm hrawng ah khan an inn hlan nak ah cun misual nih an luh hnawh i an thah . a hawinu leng a chuah kar a si i a hawinu inn a rak lawi ah a ruak cu a hmuh i Bahan poice station ah thawng a thanh colh hna .

Police pawl an phak cun Aye Aye Thein a ruak cu an zoh colh i mikut in a thi mi a si ti cu an theih colh .Mithat tu cu police nih an kawl colh i tu ah cun mi that tu Chit Maung(Kum 28) pa cu an tleih khawh cang i thonginn chung ah an khumh cang . phung ning tein hi mithat tu hi hrem a si lai .Mithat tu pa cu an tleih hnu ah bia a phun phun in an hal i a lih lawngte tein a chim i aa pheh peng nain a donghnak ah cun aa pheh kho ti lo i a si nak taktak an theih khawh . mithat tu pa hi Mai Aye Aye Thein he a um ti mi a hawinu i a tlangval pa a rak si .

Aye Aye Thein a hawinu a um lo kar ah Aye Aye Thein cu tleihhrem a rak timh i a duh lo ruang ah tu bantuk in a thah law law nak a si tiah Ko Myint Htwe nih a chim .Mai Aye Aye Thein ruak cu a chung le lungtling tein an um nak khua ah an tlunpi i a ruak phurh nak ah RRCCI group nih Kyats 500000 an thawh khawm tiah theih a si .
Mai Aye Aye Thein hi Cumtu Chin a si i Rakhine ram Ann peng , Shu Chin Khua a si . Rakhine ramkulh chung ah hin Chin khua tampi a um i thlang lei laitlang pawl cu a tlangpi in kawl min an ngei hna . Mai Aye Aye Thein a khua zong hi Chin khua pakhat a si ve .

Cumtu Chin Society

Be the first to comment

Leave a Reply

Your email address will not be published.


*