Wine A Ri Mi USA Chin Nutung Nu Pakhat Nih A Pasal A Report i Police Nih A Mah Tu An Rak Tleih

Tuni 28 October zingka 7:30AM in inn in riantuan ka thok i zanlei 7:47Pm ah baa nawn in inn ka phan . inn ka phak ah cun mi minung pathum kan inn ah an rak thu ko .ka riantuan nak ah ka baa ngai i mileng he thut ti i bia van i ruahzong cu ka thinlung ah a um kho lo ngai nain , rian herh tuk hna a si sual ah ka ti i aww na kan leng maw ? ka office lei ah hin thu hna u sih law bia kan i ruah hna lai tiah hmaipanh te cun ka ti hna .

Related image

ka office chung ah cun kan vun thu hna i an mah lak i minung pakhat nih “ningzak tuk zong a si ko nain nangmah sin ah ruahnak hal kan in duh ko ” a ti pah in a kut in catlap pahnih cu a van i chuah i a ka pek . catlap cu ka van lak i ka van rel tik ah cun police nih nizan ah minung pakhat innchungkhar ah buainak a chuahpi ruang ah an tleih nak ca a si .mah hi a ho dah a si tiah ka hal hna tik ah ca a ka pe tu pa nih cun ” mah hi kan upa nupi a si nizan ah police nih zantim ah an ral tleih ” tiah a chim .

Related image

ka milen gminung pathum lak ah cun police nih an tleih mi nu i a pasal zong cu aa tel ve i a mah cu zei tin dah na nupi an tleihning cu a si fiang deuh in van ka chim tuah tiah ka hal .ai thawh i a chim mi cu ” kan nu hi a can tete ah wine din a hmang mi a si .a ding tuk zong a si lem lo , nizan cu a ri deuh i si rua buainak zeihmanh kan ngei lo nain keimah cu a ka kheuh a ka bengh , cu pin ah police a call hna i keimah tleih dingin a auh hna .

Related image

police cu kan inn ah an rak phan i thil sining a kan hal tik ah vanthat ah ka fale nih kan nu a cawlcangh ning le thil sining cu
an rak hmuh ve i police sin ah tha tein an chim tik ah keimah tlai lo in kan nu tu cu police nih an tleih nak a si “tiah a chim .”A va poi ve aww, a poi taktak si ka ti . An nu khawika thong ah dah an chiah ti mi ka hawl pi hnu ah an nu hi zei tin dah kan chuah ning a si lai ti mi kong kan i ruah hna . an lawi lai ah bia tha tein ka cah ta mi cu ” nan nu na va chuah tik ah na ngeihthiam nak va chim te, cun a ningzah nak a fahtuk nak hnga lo thazang zong va pe thiam te law .

Image result for women drink wine

a palh cang nain hmailei tu ah palh than lo hi a biapi . Dallas hrawng ah hin kawlram mi holh thim lo mi thongtla mi tampi he kan i tong bak cang hna . Chinland Boyz Gangster paw he zong kan i hmu tong bal . DFW naihrawng mah le mah ai thah mi pawl hna he kong tiang bia ai ruah bal mi ka si tik ah ka hmuh ton mi in chim ah cun  ningzah mualpho nak ing khawh lo ruang ah mah le mah thah nak hi a chuak tawn tiah ka ruah caah nan nu zong mah bantuk a si sual lo nak hnga a sual palh nak cu ngai thiam law  tha tein daw law hi bantuk a ton can ah a thazang tu si i zuam hram ko tiah bia ka cah ta .

Image result for women drink wine

bia kan i ruah dih hnu in zan tlai hnu ruah siamsiam tete in a sur mi lak ah thong thlak a tim tu an nu ngeihthiam in thong in lei ah va chuah ding in a hawi le pahnih he cun an kal ve .

Note    :   Hmanthlak hi ai tlak ning in kan chiah chom mi a si , rak kan theithiam u .  (  Photo Credit ) 

Credit     :   Salai Z T Lian Facebook 

Be the first to comment

Leave a Reply

Your email address will not be published.


*