VIDEO : Texas Police (2) nih Motor A Kaagmi Chung i Pa Pakhat An Chanhlio Video nih A Lingtalet in Mipi A Lauter Dih Hna (+Video)

US police officer pa 2 nih truck motor a kang i meialh in a khah ko lioah a chung i um mi motor mawng tu pa an chuah lio video nih cun mipi thinlung cu a tongj tuk i a chim tu an tam taktak. South Austin ah tuchun i thil cangmi a si i hi police officer te pahnih nih truck mongtu pa zeihmanh thei loin a um ko lioah nunak tiang pek ngamh in an chanh.

Cucaah hi police pahnih hna cu fak an hlawh taktak i internet chung zongah a lar taktak.Hi driver pa hi parking hmun ah a hnulei in a back lio a si i vanchiat tukah accelerator ah a ke cu a tang i a ke cu a chuah khawh zok lo caah a ke cu fak ngai in ai her caah cu nih cun meialh hi a chuah termi si tiah mei that tu lei nih cun an chimmi a si.

Bodycam in a langh ningah cun rianrang takin hi police pahnih hna hi an tli i meialh zong a khat cang ko nain motor thlalang cu an khuai i a chung i a um mi driver pa cu an lak khawh tiah a rak langmi cu a si. Motor kangh ruangah hliam tuarmi driver pa cu Del Setom medical center ah hliamhma fak tak tuar in chiah colh a si.

Hi police nih hin thil tha ngai cu kan tuah ve ko rua tiin kan i ruat i a mah bel te cu mi raltha ngai hi cu kan si lem lo e kan pawngkam ah harsa mi bawmh loin kan um khawh lo ca tuah a si ko ti zongin an chim ve. Upat awk tlak taktak mi pasal pahnih an si.

Be the first to comment

Leave a Reply

Your email address will not be published.


*