Vawleicung Mirum Bik “Bill Gates” Te Nupa Karlak i A Rak i Thupmi Thil nih Cun Vawleipi Khuaruah har In A Tuah Cio Hna

2021 May thla hramthokah vawlei cu milian bik 5 thimmi lakah aitel vemi mifim thiamsang bak a simi Bill Gates te nu pa cu an i thennak ca an tuah cang tiah twitter hmangin thawngthanhnak an rak tuah cu vawlei cung minung cu an khuaruah har dih ko. Ngeihchiat leiti ah le phaisa rel cawk loin a ngeimi si fimthiamnak tiah le a thiamsang taktak mi si fawn inchungkhar fa nu /pa tiah le 3 a ngei fawn ko.

Herh baunak a ngei bak lomi innchungkhar an si ko i zeiruangah dah hi tin thil hi a can khawh ning si hnga tin mipi biahalnak zong a tam ngaingai. A konglam tampi ruangah ti lawngin an i thennak hi thawngtheih a si i an konglam fel fai ngaiin a thei tu mipakhat nih cun an nu Melinda Gates (kum 56) tu nih hin a thenmi si tiah NewYork post ah a rak chim.

Image

Kumsau pi chung ummi an nu nih a thennak ruang hi cu official cun zeihmanh ca chuahmi le tialmi cu a um lo nain tuchan cu internet chan a si ve cang caah online ah cun an konglam phunphun in hmuh ding um ve. Cu chungah cun mipi nih an buaipi ngaimi bia pakhat cu an mah Company (Bill & Melinda Gates Foundation)i riantuan mi China nu ruangah hi bantukin an i thennak hi si tiah theih a si.

Bill Gates le Melinda an i thennak ruang cu China nu Zhe Shelly Wang (kum 36) mi ruangah Melinda he an i thennak ruang hi si bik ko tiah bia fiang a rak chuakmi si. Asinain Zhe Shelly Wang nih cun bia hman lomi a si .Bia hman lo tukmi hi a thangmi hi hohmanh nih an zum lai lo tiah ka rak ruah i sinan a rak si lo. Caan tlawmpal te chungah online i vawlei cung theihin a van lar hi cu mak ka ti tuk.

Private Messages in a rak ka kua tu siseh hi kong hi a hman lomi si tiin a ka dir pi tu ka chungkhat pawl cungah cun kai lawm tuk tiah a chim. Pasal ngei lo amah kutkee ten a dir kho ngaimi Zhe Sheely Wang cu cawnak lei ah cun a sang ngaimi fimthiamnak a ngei ve ngai mi pakhat a si. Holh picang bakin Holh phun 7 a thiam i Yale School of Maganement Harvard Business School le Bill & Melinda Gates Foundation ah holh lettu in rian a tuan liomi si.

Image

Bill Getes le Zhe Shelly Wang karlak ah hin zeibantuk pehtleihnak dah a um timi cu fiangten theih khawh a si lo i hi bantuk dirhmun tiangin Bill Gates puh tu an rak um hi cu a nu pi he zawng zeimawzat cu bia thli thup a rak um ve hrim cash si tiah an chim. An bia lakah soisel bikmi pakhat(tuah cun a nu pa karlak i buainak cu mipi tam deih nih cun an buai pi cang hna )cun Malinda Gates he kutsitnak an tuah cang hnu zongah a nungak thing Ann Winblad he kum khat voi 1 cu vocation ah an chuak zungzal fawn tiah theih a si.

Kum 1997 Times Magazines i Bill Gates profile i an tial mi ah cun an nungak thing Ann Winblad he kum 1 ah voikhat vocation ah an kal lai timi cu Bill Gates le Malinda Gates nih cun bia kamnak minthut an rak ngei ti si. Bill Gates he rian rak tuanmi min thup mi pakhat nih cun Bill Gates le a nungak thing cu zeitik hmanhah an i thlah kho hrim lo.

Kumkhat voikhat Weekend ningin vocation an chuak zungzal. Cu cu kum 2000 lioah a nupi Melinda Gates he contact an rak tuah cangmi a si caah tuhnu ah zeitlukin a lungfah zongah ti khawhmi um ti lo. Cu lawng loin a caancaan ah cun motor in an khuachungah an i chawk i an i nuam tawn. Hmundang dang an um bu hmanh in ai lo veve mi cinema i an zoh ti tawn. Amah Bill Gates hrimhrim nih tu kan nu he kan i umh lainak kong zong i ruahnak ka hal hmasa bikmi cu EX. Girlfriend Ann Winblad hi a si tiah a chim ve.

Cu bantuk lungput ngeimi a si ruangah kum 27 chung bak um ti mi an nu he hi ti an van si cu Bill Gates mawh puh tu cu an tam ngai i China nu he zong hin biathup a ngei hrim ko lai ti zongah an ruah dih. Tuah hin Bill Gates le an nu cu i then dingin bia an chah cang ko nain fa le kong tuah cun lungrual ten khuatuak tti i cawlcang ti cu an i timhmi a si thiam ve. Credit :Vapual Auaw

Be the first to comment

Leave a Reply

Your email address will not be published.


*