Zapi nih kan theihcio cang bantuk in kan ram a buai ruangah mizo kan unau hna zong nih biatak tein a kan tanpi cio. Hilio ahb a hleice khun in Laimi a kan dirpitu cu hlasakthiam vanlalsailova hi a si. CBCUSA nih kan ram caah fund kawlpiak dingin an cah i tu hi USA ah thla 6 a umnak a si cang i hmaithla 16 khi mizoram lei ah a tlung ding a si cang.
USA a um chungah state kip ah hlasaknak a ngei i phaisa zong tampi a chuahpi i cu a chuakmi phaisa vialte cu ramkhel caah hman dingin timh lamh a si. USA a caam chung ah laimi nih sikhawh chungin an dawt i laksawng tete zong an pek i a lam kip in a caah a tha bik in an rak welcome ve.Amah zong Laimi tlaihchannak a ngeimi a si caah tutan USA a rak tlawn mi hi kan laimi calawng silo in amah ca tiangin hlawknak tampi he mizoram lei ah a kir ve lai ti cu theih khawh a si.
Tutan USA a caam chungah laksawng a donmi hi a tam ngai i a zapi te cun kan langhter lem lailo nain a hleice tein langhter a phuko tiah ka ruah mi ka rak tarlangh nak a si. Pakhatnak a laksawng donmi a sunglawi khun tiah amah zong nih a langhter vemi cu sui kutdonghrolh a si.Hi sui kut donghrolh hi amah he a voikhatnak ai hmu mi (min langhter lomi) nih a pekmi a si i US Dollar in $2700 man bak a si.
Culawng hlah a sunglawi khun in a donmi a laksawng pakhat rih cu ZX-6R Bike (Dollar 14000 man) bak a dawng than. Hi a donmi Bike hi amah nih cun mizoram ah i phurh i a duhchung in i chawhleh nak ah hman a duh tuk ko nain i tlunpi awk a that tilo caah USA tu ah chiahta a huami a si.Sailova nih a chim mi cu”Ka bag chungah hin i tlum sehlaw kai tlunpi tawp ko hnga”tiah capo in a chim ve. Asinain hi a laksawng donmi a bike hi USA ah a chiahta lai i a rak tlawn tik poah hman ding in ai tim. Pathian a tihmi hna le a mah duhnak lam a zultu hna caah cun thluachuah nak nih a zulhdawi zungzal ko hna.
Leave a Reply