Vanchiat Bak Khi A Si Hoi KO Ee : Electric Leih Ruangah Kan Unau hna Minung (3) Nunnak A Liam Than Ee

Oct 14,2022 ah mizoram Lawngtlai Dictrict chungah Rulkual khua ah electric leih ruangah minung 3 nunnak a liam i midang minung 2 zong fakngai in hliam an tuar tiah theih a si. Thawngpang kan theihning ah cun Dt.12,2022 ah khan Rulkual khua in 4Km hrawng a hlatnak hmun ah thing a tlu mi nih power line a hrawh i , cuhmun cu ramtang a si tikah tlawmpal cu siamremh a har deuh nak hmun asi i nawlngeitu lei thawng an thanh hna i nawlngeitu lei an rak rat hnu ah mipi he i bawm in tlangrian bantuk in cu electric rawkmi cu an remh hna i ,

Cuti an siam cuahmahlio ahcun vanchiat ah electric line ahcun mei arak kal thawt i a siam cuahmah mi Samuel Lalthianghlima, Lalramdingpuia, Lalrinchhana,Lalrinenga le lalnghawrliana cu electric nih cun a leih dih hna. Electric nih a leih hna bak ah hin a hmun ah minung 3 Samuel Lalthianghlima, Lalramdinpuia leh Lalrinchhana hi an nunnak a liam colh i a dang minung 2 zong hi an dirhmun a tha lo ngai i thawngpang kan lak lio ah hin cun Lawngtlai sizung ah tlikpi an si rih.

Rulkual YLA President sin in kan theihning ah cun Rulkual electric line hi Bungtlang’S’ line he a kaltti mi a si i , Bungtlang line lei hi cu a tha i tutan electric line an siam cuahmah lio zongah hin Rulkual line lei ah cun power a umlo i Asinain Bungtlang line leiah cun power a rak ra i pakhat khat ah line ai ton sual ruangah a si lai tiah an zumh.Pu Laldawngliana, E.E., Power & Electricity Department Lawngtlai Division nih cun cu electric siamnak hmun cu a va panh colh i Lawngtlai lei in siseh , khua chingchan lei zongin minung tampi nih chiatnak an ton nak hmun ah hin an rak fuhpanh cio hna tieh theih a si.

Be the first to comment

Leave a Reply

Your email address will not be published.


*