Vaidawr Ah Rian A Tuan mi Kanmah Lei mi Ruang ah Miphun Dang ah Faktuk in Kan Mual A Pho

Myanmar mi hi ramkip ah kan um i kan umnak ram hna nih kan muihmai zoh in riantuan nak ah siseh khawika hmun chuahvah nak ah siseh phundang deuh le nek deuh in zohpeng mi kan si . Asi nain kan mah nunzia nih a pek i tihzah awk tein kan nun ve ko ah cun miphun dang kan si hmanh ah an kan upat ve thiam thiam tawn ko .

Asi nain hi bantuk thil a cang mi tete a um tawn ruang ah hin Myanmar ,, myanmar..tbk in hlawtmi le thlanglamh mi kan si theunak a si .Thailand ram ah a um mi Myanmar nungak “Ei Ei Phyu” timi nu nih cun thla (9) chung bak a pawi i a hrinmi a fate cu cawm duh lo ruang ah maw a si maw , mualpho lai tih ah dah a si hnga lamkam i thutnak an tuahmi thutden tang te ah September 29 ah khan a fate cu a chiah ta i a kal tak diam .

Ei Ei Phyu a fate hi buri chung ah a tuam i thutden tang ah a chiah ta mi cu a tap i a tah thawng cu putar pa nih a rak theih i palik sin ah a chimh hna .Palik pawl nih cun a hmun ah an rak rat hnawh i naute cu an hmuh . Naute nu hi a hodah a si hnga ti theih duh ah a pawngkma i a um mi CCTV cu an zoh i “Ei Ei Phyu” nih a fate a rak chiahlio cu tha tein an hmuh khawh .

“Ei Ei Phyu” hi Thailand ram vaidawr ah rian a tuanmi a si i September 9 ah khan naute hia rak ngeih i a cawm khawh lailo phangin tu bantuk in a rak hlonh nak a si tiah a mah nih palik sin a chim .

SourceĀ  : Thailand TimesĀ 

Be the first to comment

Leave a Reply

Your email address will not be published.


*