USDP Angki A Uico A Hrukter i Facebook ah A Post Caah USDP Chiarman nih Hi Ti Hin A Lehrulh Bak Ve

Myanmar rampi i thimnak ding ni cu a nai chin lengmang bantuk in kawl miphun lak ah USDP le NLD party i do nak zong a fak chin lengmang ve . Kumdang bantuk si tilo in NLD party lawng a cungcuang ah um ti lo in party dang a si mi USDP,UDP le PPP pawl zong tanhtu le thazang a petu mipi an tam taktak ve .

Cutik ah khatlei le khtlei i dohkalh nak a fak chin lengmang i party tanh ruang ah palik zung le court tiang a phan mi an tlawm ti lo .Sagaing ramthen Shwe Bo ram,Letwah peng,Kyaikan Myawt khua zong ah USDP angki cu Htet Aung timi pa nih uico a hruk ter i hman a thlak hnu ah facebook ah a tar .

Htet Aung” nih cun “Tuni i an ka pek mi angki cu ka uicio ka hrukter i ka uite zong uico dang nih seh nak in a laut deuh lai “tiah a facebook post mi ah cun ca a tial chih . Facebook i a thlahmi cu USDP lei Chairman changtu U Kyaw Thiha nih cun palik sin ah a report i Htet Aung cu palik nih an va tlaih .

Palik bawi Hty Oo nih cun ” Report nak an tuah bantuk tein Htet Aung cu kan tlaih i biahal nak kan tuah , a phone zong kan zohfek dih i tu ah cun aa-mah-khan in a chuak rih i phung ning a zulh dawi than ko lai ” tiah a chim.Letwat Myone USDP party Chairman U Soe Khai nih cun “USDP angki hi Letwa myone ca lawng ah a hlei te in kan tuahmi a si .

Hi USDP angki ah hin rampi flag zong aa tel i facebook i a thlah hnu nazi 2 a rauh hnu ah a delete than timi kan theih.A si nain,midang nih an rak copy manh i an thlah thluahmah timi kan theih thiam thiam . I huat kan duhmi a si lo nain hi pa hi aluan tuk deuh ve ” tiah a chim .

Source : DVB

Be the first to comment

Leave a Reply

Your email address will not be published.


*