USA Indianapolis Ah Laipa nih Ar A Zuat i Dollar $ 300/500 In A Zuar Thluahmah Hna Ai Rumpi Colh Ko Lai Hih I Cawn Cio Tlak A Si (+Video)

USA ram ah khuasami kanmah lei Chinmi pakhat nih ar (taih ciat) a zuat i pakhat ah dollar 300 in a zuar thluahmah hna. Amah nih a chimning ah cun sundawnnak ngai ngai cu a si lo nain umhar phen deuh ah ka zuatmi hna an si tiah a chim. Cun kan innpa zong nih a poi an ti lemlo, a rim a chia tbk soiselnak zeihmanh a um lemlo tiah a chim fawn. Kawlram ka um lio te hin ar thuat ter hi ka uar tuk ve i USA ka phak hnu zong ah umhar phen ah ka zuatmi hna an si tiah a chim.

A zuatmi a ar pawl hi a fa tete hmanh Dollar 30/40hrawngin ka zuar khawh hna tiah a chim.USA ah hin ar man hi zapi cu dollar 10 man hi chung khar pakhat nih vuaite in ei khawh an si i cutluk cun anih a zuatmi ar hi a man ai dang . A arpa (taih ciat) pawl hi cu mirang pawl nih an rak zoh i an duh cun dollar 500 zongin ka zuar khawh ko hna tiah a chim. A cawtu nih an ngamh ning a san ning zulh in a ngamh sang deuh poah kha ka pek ko hna tiah a chim.

A ar zuatnak inn hi amah nih tha tein a siam piak dih hna i inn a sak piak hna, electric a pek hna i a herhmi dangdang zong tha tein tlamtling tein a tuah dih.A chimning ah cun”keimah nih ka duh bakmi arpa(taih ciat)kha a ci thlahtu ah kai chiah i arpi kha 10 hrawngin kai chiah i arpi pakhat nih hin arti 10 hrawng a keuh khawh i cuticun ka zuat hna” tiah a chim. Amah nih cun sipuazi ca taktak ah cun a tlaklo a ti nain a ar zuarnak man van tuak ah cun phaisa zong a hmu ngai ngai lai tiah ruah khawh a si.

Zeicatiah ar fa tete pakhat ah dollar 40 in a zuar khawh va si kaw, arpi pakhat nih arti 10 a tir i arpi 10 nih cun arti 100 a keuh khawh. Ar fa 100 cu pakhat ah dollar 40 in tuak ah cun dollar 4000 man a si cang. Cun a arpa pawl hi cu pakhat ah dollar 300 hna 500 tbk zongin a zuar khawh tikah phaisa hmuhnak zong ah a tha ngai ngai tiah a huammi ca cun tuah phu ngai a si. A tanglei ah amah interview an tuahnak video zoh khawh a si.

Be the first to comment

Leave a Reply

Your email address will not be published.


*