USA ah Zanchuah A Ngah Ti Lai Lo , A Hlei in Chin mi Caah Thawngpang Tha Khun a Si

A tulio Coronavirus ruang ah US ram kilvennakbu pawl nih a hohmanh zan ah chuah lo ding tiah nawl an chuah cang tiah theih a si . New York khuapi chung i a um mi Bar le rawldawr pawl zong khar dih ding a si lo le a dawr duh pawl caah cun an inn te ah va pek ding in nawl an chuah i New York khuapi i Times Square pi zong ah mi an um ti lo ti tluk a si cang tiah kan theih .

Image result for usa night out

Europe ram pawl ah cun Sianginn le Public Building le Cenema hall vialte an khar dih nak a sau cang . US zong nih Europe ram pawl i an i ralrin ning le an i ven him ning bantuk in a ram chung Cenema hall le Shopping mall le Restuarant lian deuh pawl sianginn …etc pawl cu kjhar dih ding le a hlei in a ram mi a si mi poah zan ah a hoahmanh chuah lo dingin nawl a chuah ve cang .

Image result for usa night out

New York i students ting 10 renglo an kai nak sianginn pawl vialte zong April 20 tiang khar dih dingin Bill de Blasio nih nawl a chuah ve cang .

Coronavirus ruang ah US ram mi minung 4,000 renglo an zaw cang i minung 91 tluk an thi cang tiah theih a si fawn .

US ramchung ah zanchuah a ngah ti lo mi hi a hlei ce in Myanmar mi pawl caah a tha khun . zei ca tiah hi zawtnak hi China in a rak chuak mi a si bantuk in china mui hmai a keng mi poah nan mah miphun hi zawtnak a chuah pi tu miphun nan si tiah ral kan ti tik ah kan ca ah tih  a nung tuk . a tu bantuk in rampi huap in zan chuah lo dingin tiah nawl an chuah mi hi kan mah Chin mi ca hrim ah a tha khun kan him nak a si khun lai tiah Chin upa pakhat sin zong in theih a si .

Ref : Mizzima

Be the first to comment

Leave a Reply

Your email address will not be published.


*