US Chinmi Motor Meithal In An Kah

Coronavirus nih hin vawlei cung mipi vialte a kan buaiter dih lawng si lo in miphun i nautat nak tiang a chuahpi cang . Europe,Africa,US le hmun dang dang ah Asia miphun pawl cu huat le nau tat a si cang i coronavirus tiah auh a si cang . cu lawng si lo in Chin mi um nak India New Delhi zong ah vai pawl nih cun chin mi cu virus tiah nehsawh in auh an si cang .

cu bantuk thiam thiam in US ramchung zong ah Asia mi poah poah cu huat i kutthlak a duh mi minak pawl le mirang misual pawl tampi an um cang . curuang ah US ram i a um mi Chin mi zong i ralrin a herh nak mah le community cio ah thawngthanh a si cang .

March 16 zing ah khan US ram Chinmi tampi an um nak Indianapolis ah cun Greentree Apartment ah Chinmi motor a dir mi poh cu an motor thlalang an rak khuai dih ti a si . nikhat ni zinglei ah Chinmi pakhat a riantuan nak in a rak lawi lio mi zong mirang misual pawl nih meithal in an rak kah i Pathian nih a ven caah a mah cu a him i a motor thlalang cu a kuai dih tiah theih a si .

kan hnulei te zong ah khan US Texas ramthen Midland khua i a um mi pafa hna cu dawr ah thil cawk dingin an kal cuahmah lio ah mi pakhat nih meithal in a kah hna i an pafa in hliam hma an tuar veve tiah kan rak theih fawn .

Tuhrawng hi coronavirus ruang ah Asia mi hi khawika kan um nak poh ah virus tiah auh kan tong cang i kan i ralrin taktak a herh tiah thawngthanh nak zong an tuah .

Meithal in an kah mi kong fiang fai deuh in update khawh kan van i zuam than lai .

Be the first to comment

Leave a Reply

Your email address will not be published.


*