Myanmar Idol Season 4 Top Finalist zuam nak cu tuzan October 31 zan ah i zuam than a si i sunglawi taktak in puai a dih . Chin mi chung in kan naule minung pathum Esther,B Sum,Zaw Yee zong tlamtling tein an i zuam kho . minung 11 chung ah an mah pathum hlasak mi nih mi thinlung a tongh bik ko ti mi fiang tein a lang . Judge pawl zong an lung a tling taktak . Top 11 ah cun Judge pawl nawl ngeih nak lawng in a si ti lai lo i mipi Vote pek mi kha biakhiak tu a si cang lai caah mipi kan biapi taktak cang.
Tuzan zuam nak ah Esther Dawt Chin Sung nih Chin Singer Kawlram minthang a si mi “Mah Chaw Suh Khin” nih a rak sak mi “Ein Met Met Ung” ti mi hla in zuam nak ah a van performce i a vanb sak ciam mam cu uar lo awk te a rak tha hrim lo . voidang a lo lo a ral atha i mah le mah zumhnak zong tampi a ngei cang ti zong a lang ngai ngai . mipi thazang pek nak le thlacam piak nak thawng zong a si .
A tang mi can zong ah biatak tein thazang pe rih ko hna u sih . Esther hi Chin Idol ah winner a hmu cang mi a si i laimi nih kan i zohchunh mi hlasakthiam mino te a si . a hmailei ah can tha tampi a ngei mi a si bantuk in tutan Myanmar Idol aa zuam nak ah hin mipi nih fak pi in dir pi hram hna u sih , kawl miphun lak ah Chin mi cawisang tu le min that ter tu sihram ko seh . a tanglei ah tuzan zuam nak i a sak mi hla kan rak chiah chih i a zoh rih lo mi zoh khawh than a si .
Leave a Reply