Kawlram fimthiam nak zung nih cun tukum taanghra awngmi min pawl cu August 9 ahb a tarlangh i kawlram chung taanghra a phimi lak ah a pumfa bik a si mi Mg Khit Mint Thant (Kum 17) pate zong a awng ve .Mipi a hmutu nih an zum lo i hi hmanthlak cu nikum zong ah a lar tuk cangmi a si tiah an chim nain , Cozah min in myanmar aiawh thawnglatu MOI Webportal Myanmar nih mipi theih ah intrview nak a tuah hnu lawng ah a si taktak ti mi fiang tein a hung lang than .
Mg Khit Mint Thanh cu 2004 kum May thla (8) ah a chuak mi a si i a hngakchiat lio tein thankhawh lo nak zawtnak a ngei tiah a nulepa nih cun an chim . A sinain lungdong lo ding in a nulepa nih cun thazang an pek peng i tukum ah cun 1D in a awng ve cang .
Amah cu Ayerawady ramthen Pattein khuapi Ahthahkah(2) in tukum taanghra a phimi a si . Myanmar Subject bak in kungthu in a awng . A mah nih a chim ning ah cun ” Carel ka huam tuk ruang ah myanmar sub. in kungthu ka awn nak a si . Carel le khualtlawn hi ka huam bik mi a si , Pattein College ah E-Major in sianginn ka peh tlai tiah a chim .Sianginn ka dih tik ah cun zuksuai lei ah kal kai tim tiah a chim fawn .
Anu nih cun ” A chuahka ah cun pound 5 a si i , taangcheu a kailio ah a thangkho lo ti ka theih . Cun taang 5 a kai ah sizung ah kan piah i doctor te nih thankhawhlo nak lei zawtnak a ngei tiah an ka chimh. Hi bantuk hi cu kawlram ah a um tuk lo i ramdang ah cun kalpi u law lam a um ko tiah sibawi te nih cun an kan ti hnu ah thankhawh nak sii cu a chunh ve . Kum 1 hrawng cu sii chunh a hau i a thankhawh lo bik hmanh ah pe 4/5 hrawng cu a thang ko lai tiah an kan ti .Asi nain thla 2 chung hrawng thankhawh nak sii kan chunh cun a lufak tuk a lungmit bantuk in a um i a celh ti lo i thanhawh nak sii cu kan chunhter duh ve ti lo ” tiah a chim .
VIDEO
Leave a Reply