Ttahpi A Phu : Mizo Idol ah ‘WINNER Ding Bak i Ruah Ciomi Sifak A Si Ruangah Judge Pawl nih An Thlak i Mizoram A Buai Dih Video In Rak Zoh Ve (+VIDEO)

Tukum 2022 Mizo Idol cu ruahnak lengtuk in buainak a tam i , Mizoram pi a hninh in ai hnin ko. Mizo Social media a bih pah velo mi hna caah cun zeibantuk buainak dah a um tiah an konglam kan tialmi zong hi a theithiam lomi tampi kan rak um ve kho men. Tutan Mizo Idol ah hin a hleiin Judge pawl hi soisel deuh an si . Judge a tuan vemi hlasakthiam ‘Jaui’ zong mi tampi nih an soisel i Mizo Idol Judge tuan ding ah cun a tlak hrim lo tiah Social Media chungah mipi nih faknga in an soisel i an den ngai ngai mi hmuh awk tampi a um cang.

Tutan i kan rak langhtermi zong hi Judge pawl cung i mipi an lungtlin lo nak a si.Mizo Idol an rak tuah hlan deuh ah MGT timi Mizo Got talent zuamnak an rak tuah cang i mark petu Judge ah an thim mi hna cu Mizoram chung ah hlasak lei le music lei top a simi , Vanlalsailova le Pency te hna an si hna. Cutan i a rak i zuam ve i Final tiang a phanmi ‘Kawthindeng’ timi pa cu tutan 2022 Mizo Idol ah ai zuam ve i mipi nih an uar taktak i winner hmanh hmu kho ding ah ruah cio a si.

Zuamnak chung i a hlasakmi zong amah phuahmi a si i soisel awk pakhat te hmanh umlo in tha tein le lungtling tein zuamnak chungah cun a sak khawh caah mi vialte nih anih cu ruah awk a um lo a tling cia tiah an ruah cio i a hlasak le a cawlcangh an hmuh tikah pakhat nak a hmu te men lai tiah ruah cio a si. Asinain result an van phuan ciammam i ‘Kawthindeng’ cu Top 50 hmanh ah a tling tilo i an thlak bak ko. Mipi an lau dih i cuthok cun Mizo ram social media chungah tukum Mizo Idol Judge tuantu pawl soiselnak cu relcawk loi a khat in a khat colh.

Kawthindeng an thlak nak kong ah Media le Yputuber pawl nih biatak tein an lung tlin lonak an aupi ve i mipi vialte an lungtling cio lo i JUdge pawl nih hin an i chir i an auh than awk a si tiah anmah le pumpak facebook in siseh group kip ah Idol Judge a tuanmipawl biakhiahnak an duhlo nak le an lungtlinlonak cu an aupi cio.Amah’Kawthindeng’ bia an hal i,zeiruang ah dah ka tla tiah nai ruah an ti tik ah cun”Aaa keimah nak thiam an tam caah kei cu ka tlakmi a si ko ” tiah toidor te in aleh hna.

Asinain zuamnak chung i ai telmi le amah cuai an thlai tikah zeitluk in dah an i thlau hna timi cu mithmuh le hnatheih cio a si. Winner ding bak i an ruah ciomi a tlak tik ah mizoram cu a hninh in ai hnin i ‘Kawthindeng’ cu hlasak sawmtu tampi a ngei colh. Mi thenkhat nih cun a caah a tlak hi a tha deuh, a tlak ruangah hin mipi nih an ui tuk cio i amah zong direct in a lar phah tiah an ti cio. Atanglei kan chiahmi hi zuamnak i a hlasak nak an si rak ngai ve law na ruahnak comment lei ah langhter khawh a si.

Be the first to comment

Leave a Reply

Your email address will not be published.


*