Tial Cung Thang Ruang ah “Aungla Nsang” Cu A Chuahsem Nak Khua Phan Kho Lo In Kawlram A Chuah Taak

Myanamr nih vawlei cung huap in min ngei kan i ngeih mi MMA fighter Aungla Nsang cu tu lio hi kawlram ah a um lio a si i mino pawl zong training a pe len hna i kawlram um nuam a ti tuk lio a si ko nain Tial Cung Thang ruang ah a chuahsem nak Kachin State Myitkyina zong phan ti lo in kawlram chuah taak ai timh nak kong cu a mah bak nih a chim .Aungla Nsang nih cun “Nangmah le nangmah bia i hal law midang sualnak kawl hlah midang puh hlah. kan nun lam tluan ah midang sual kan puh mi hna cu a tha lo , midang sual kan puh lengmang mi hna zong hi kan caah hlawk nak a um lem lo.

Mah tein i zuam i pawngkam nun nak thlen tu hi a biapi.a can ah cun kan mah kan hlawhtlin lo ruang ah chungkhar nule pa le midang kan puh theu tawn hna .cu nak in a biapi deuh mi cu kan mah kan tlin lo nak tu kan i hmuh awk a si .fawi cu a fawi lo a si nain midang ruang ah , myanmar ram ruang ah , kiang kap ruang ah tiah midang sual nak na puh peng a si ah cun zeitik hmanh ah na hlawh a tling lai lo i harsat nak na tei kho lai lo . zeiruang ah dah tu bantuk in ka harsat i ka hlawh a tlin lo ti kha nangmah le nangmah na tlin lo nak tu i kawl deuh .

Brandon ka tei mi ah ka diriam tuk ve hmailei zong ah tha chin chin in kai zuam lai .keimah ruang ah a thi mi tiang an um mi zong ka lung tha hrim lo . hi bantuk lung lei that lo nak a ngei mi an si ah cun hmailei ah cun ka puai a dih hnu lawng ah zoh dingin ka duh piak hna .tutan ka rak tlun cu ka chuahsem nak Myitkyina va phak ta zong ka duh tuk ko nain ka naupa “Tial Cung Thang” December 6 ah Malaysia ah ai thua ding a si caah timh tuah nak ngeihpi ka duh i ka kir colh a hau .

Tu ah hin ka nupi hi nau a pawi i thla 7 a si cang nute a ngeih a si ah cun a min ah San Seng tiah kan pek cang fawn ‘ tiah a chim .a chim rih mi cu “Sea Game ah kawlram mino pawl aa tel ding zong cah kan duh mi hna cu midang uar tuk hna hlah u cun tih fawn hna hlah u , mah le mah zumhnak ngei u law teinak bak kha i ruah chan fawn uh . puai pakhat ah sungh nak le tei nak cu a biapi ko nain cu nak in a biapi mi cu keimah hi ka thangcho maw ti kha a si deuh tiah a chim fawn .

A tu a ra lai mi December 6 ah Tial Cung Thang cu Korea pa Woon Gyeom Kim he Malaysia ah MMA Onechampionship ah ai thua ding an si . cu kong ah cun Aungla Nsang zong a chuahsem nak khua hmanh va phan manh lo in kawlram chuah taak ai timh nak hi a si .

Be the first to comment

Leave a Reply

Your email address will not be published.


*