Thih Dar : Lung A fak Khun Tuk Ee , JCB Cawhmi Lungpi nih A Nenh i A Lungden Nak Hmun te ah Bia kaakhat Chim manh Lo Tein A Nunnak A Liam

P&E Department Mamit nih Bairabi lei in power lakluh nak ding i 132 KV Line an siam cuahmah liomi , Tower tung phunnak ding ah JCB nih a cawh cuahmah liomi ah cun lung lianpi a rak um i cu lung cu a ril i a thlang lei i riantuan cuahmah liomi cu a va den i a hmun ah a nunnak a liam tiah kan theih .

May be an image of 3 people, people sitting and outdoors

Lungnih a va den i a thimi hi a min ah “Pi Sawmi” ti a si kum 35 Hmar veng Mamit ah khuasa mi a si . a nih hi tuni chun sml 1:30Pm hrawng ah khan quarry ah lung deng in ai hlawh vemi a si . Lung a den cuahmah lio ah cun a chaklei in JCB nih lung a chuahmi cu a rak ril i vanchiat ah a lu ah a den caah bia kaakhat te hmanh chim manh lo in a hmun ah anunnak a liam hi a si .

May be an image of 3 people, people sitting and outdoors

A chaklei in lung a rak rilh ah hin Pi sawmi nih hin a lung den dingmi a rak lak khawm liote a si tiah an chim . Pi sawmi nih hin a pasal le a fale pathum a kal taak hna.A ruak hi Mamit Hospital ah postmortem an tuah hnu ah a tulio boaruak thatlo ruang ah zan tleivarpi ti lemlo in tuzanlei sml 7 ah an vui lai tiah theih a si . Credit : Mizo Special News

Thiamnak le thil ti khawh nak hi a ran i dang cio bantuk in “Khuai” cu mi tampi caah cun tihnung tuk a si nain hi pa caah cun a hawikom tha bik bantuk a rak si ve .India ram,Kerela ah a um mi Kum 24 hrawng upa Nature M.S an timi pa hi “Khuai” 60,000 hrawng nih a hmaikhat in an bomh nain zeihmanh tihnak le thinphan nak pakhat hmanh a ngei lo i khuai cu ka caah cun ka hawikom tha bantuk an si tiah a chim .

Nature M.S nih hin Guinness World Record ah khuai nih a hmai ah saubik an bomh mi record a rak ngah cang i , record a siam nak ah hin Khuai nih a hmai ah nazi 4 le minutes 10 le second 5 chung an rak bomh cang ti a si i mi tampi khuaruah har ngai in an um .tu bantuk in Khuai nih a hmai an bomh nak hi a hmasa bik ah cun a pa nih a rak theihter mi a si i Beekeeper le Honey maker zong ah a ward -winning a dong fawn .

Natur M.S nih hin pa pakhat nau a ngeih i a min ah Bee theme name , Nectar ti a si . M.S hi a rak hngakchiat lio hrim ah Khuai hi a rak tleihchan tuk i khuai an bawinu cu a kut ah a chiah i khuai dang vialte zong nih a kut khat in an rak bomh tawn ti a si .cu ti i a kut ah khuai bawinu a chiah i a thaizing ah cun a hmai ah khuai an bawinu cu a chiah than i a hmaikhap in khuai nih cun an bomh lengmang tawn .

Nature M.S nih cun ” Ka Pa nih hin khuai hi tih lo ding le ka hmai ah an ka bomh lio ah hin thinlung tein tih lo in hawikom bantuk in na ruah hna lai ” tiah ka hngakchiat tein a ka chimh tawn tiah a chim .tu bantuk in Khuai nih a hmai ah an bomh can ah hin pakhat te hmanh a taksa an seh lo i khuai he hin pehtleih nak tha tuk kan ngei tiah a chim fawn .Nature M.S hi Bangalore ah College a kai mi a si i Khuai venhim nak lei ah biatak tein rian a tuan mi a si fawn.minung kan caah Khuai hi an sunglawi tuk i an biapi tuk fawn keimah bantuk in midang zong nih Khuai hi hawikom ah nan i siam khawh ve ko tiah a chim fawn .

Be the first to comment

Leave a Reply

Your email address will not be published.


*