Thih Dar – Delhi ah Chin Hngakchia Kum (2) mi cu Inncung in a tla i Mual an kan Liam tek

Thihnak timi hi khawika hmun paoh ah a um mi a si i zeitik caan paoh a um peng mi a si fawn. Khi nu sin lawng ah le khi pa sin lawng ah va tlung ning a ti loh i a ho sin paoh ah hi thih nak hi a tlung kho pengmi a si fawn. Thih nak nih hin hngakchia le upa zong a thleidang hna loh i mirum le misifak zong a tlei dang bak loh.

Tutan i Delhi Chin mi nih an ton mi thih nak hi a fak khun ko hnga lo maw aw tiin ruah lo awk a tha hrimhrim loh. Thih ciocio zong hi a tuar ning ai lo bak ve loh i, tutan i an ton mi thil hi cu i lungsak a har hringhran ko lai. Zeitik hmanh ah hringtu a nu caah cun philh a har mi tuanbia ah ai cang ve hrimhrim lai.

Nizan 24 January 2020 chun ah khan Benjamin kum 2 lawng a si rih mi cu an inn hlannak building in a tla sual. A tlak le cangkaa in hin lungfimlo in a um cawlh tiah theih a si. A tlak tlawmpal ah hin nin pa chakthlang hna nih an theih i a rian rannak in sizung ah an tlik pi colh i ICU ah chiah a si colh ko nain a hliamhma a fah tuk caah tuar kho loin tuzing 25 zinglei suimilam 3 am ah khan a nunnak a liam tiah theih a si.

Hi Benhamin a ruak hi sizung in UPC biakinn ah an lawi pi lai i mah hnu ah vui a si te lai tiin thawng theih a si .U pathum a ngei mi a si i a u le pathum le a nu he Delhi ah ralzam in khua a sa cuahmah lio mi an si ve. Nikum in khan ralzam sinak a rak hal ve mi an si i UN Card zong an ngei rih lo tiin an thawng theih a si .An um nak khrihfabu hi UPC a si tiin theih a si hringtu a nu hi Tedim mi a si. A thi mi Benjamin i a u le hna hi minung pathum an si. A upa bik hi kum 15, a changtu kum 12 le a chang chin hi kum 8 mi an si. Bawipa nih tantak mi chungkhar hnem hram ko hna seh.

Be the first to comment

Leave a Reply

Your email address will not be published.


*