Kan zat le kan khuk kan kio tibantuk anakmi kha zeitin dah an ngo ter khawh laimi kan rak langhter lai. Pakhatnak ah kan zak tibantuk anak mi caah a tha tukmi cu Loe vera hi a si. Aloe vera a chung nemmi hang cu na zak le na tak dang anahnak ah na thuk piak lai i minutes 20 chung na ciah piak lai. Cu hnu lawngah aloe vera na thukmi kha tiin thiangten na tawl piak than lai.
Cutin phunghman ten nikhat voikhat na tuah piak pengah cun na zak anakmi le na taksa dang anakmi cu an ngo ko lai. Pahnihnak ah cun na zak anakmi caah cun Tanphazu hi a si. Tanpazu cu na cheu lai i bumhnih hrawngin a hangchuakmi kha puanthiangmi te na hnim lai i na zak anak mi le na taksa dang anakmi ah na thuh piak lai. Minutes 20 chung na hngak piak ve lai i cu bantukin nikhat voikhat na tuah piak peng ve lai.
Caan tlawmpal hnuah na zak anakmi le na taksa dang anakmi caah zeitlukin a that cu na hmuh colh ko lai. Pathumnak cu serthlum hawnghi a si. Serthlum hawng cu Ni tlangah na phopiak lai i cu hnuah dip ten na rial piak lai. Serthlumhawng na rialmi ah khan lungthur tlawmpal na cawh piak lai i na zak le na taksa dang nakmi ah cun na thuh piak lai. A ro tiang na hngah piak lai i a roin puan thiangmi te in na hnawh piak lai.
Cutin zarhkhat voihnih na tuah piak peng lai cu hnuah na taksa nakmi caah a thatnak tampi na hmuh khawh lai. Palinak ah cun Bawnthur hi a si. Bawnthur cu pan tein na at piak lai i na zak nakmi le na tak dang nakmi ah na benh piak lai. Na benh hnuah minutes 20 tluk na hngak piak lai i cu hnuah tikik in na kholh piak than lai. Mah pali kan rak langhtermi ah hin na duhmi paoh rak tuah ve zaknak mi na si ruang i na buai pengmi kha buai hau ti loin a ngo dih ko lai. Philh lotein thaathu lo tein rak tuah ve hrimhrim.
Leave a Reply