THEIH PHU A SI : Nifatin Kan Hman Pengmi Kan Theih A herhtuk Nain Kan Rak Theih Bal Bak Lo Mi ( Motor ngei daithlang pawl caah a tha khun)

Nifatin kan hman lengmang mi thil hna lak ah hin a ruahawk kan rak theih lemlo mi thil fa tete an rak um len hna i , culak ah mi nih theihtuk lemlo mi thenkhat kan rak langhter hna lai .

Mehchuannak bel tlaihnak i a kuami te : Beltlaihnak i a kuami te khi a thlainak lawng ah mi tampi nih cun kan rak ruah cio tawn i , a sinain a taktak ah cun soup te hna kan chuan can ah kan tappi thurhnawm hlah seh tiah a cawhnak keu chiahnak hrang zong ah a tuantu company lei nih an rak ruahchih caah an rak tuahchih mi tu a rak si tiah theih a si .

Jean Bawngbi zalte : Phaisa pia le thil fa tete lawng aa tlum mi jean bawngbi zalte hi zeica dah tuahmi a si ti hi na ruat ve bal dek maw ?Jean bawngbi hi Jacob David le Levi Strauss nih 1897 kum ah an rak hmuhchuah mi a si i , vorhleikam te i zal fate an tuahchih mi hi cu an mah chan lio i an rak hman tuk mi suimilam fate chiahnak caah an rak tuah chih mi a rak si .

Jack pin : Headphone kan hmanmi a sawhnak pin ah a tialmi tete pathum aa rin mi a um lai .Hi hi ai dawhnak men i tuah sawhmi a rak silo i keh le vorh lei i aw a chuahkhawh nak caah rak tuahmi a si .

Tawhfung sawhnak kam i kua fate : Fuurpi ruahsur caan le ti he ai tong mi thir cu an taang tawn i on a har tawn i tawh pawl zong ti he ai tongh ah cun in a har tawn caah awlsam tein on khawh a si nak hnga tuahmi a rak si i chinchiah ve cang .

Motor hmailei meter kam te i chinchiahnak : Motor gas zeizat dah a taang rih timi a langhter nak chung ah pstrol thun nak hmanthlak te an langhter theu mi na hmuh ve ko lai .A ruang cu mi daithlang pawl nih an motor sii thunnak khawika zawn ah dah a um timi an philh theu tawn i curuang ah an thun nak ding kha an philh sual nak hnga lo an langhter piak chihmi hna a rak si .

Bakilh : Samkilhnak i kan hman tawnmi bakilh fate khi a bo nak lei khi a cunglei ah kan hman i ai rualmi tu khi sam lei a tanglei ah kan chiah theu tawn .Atak ah cun a bonak lei tu khi tanglei ah kan hman ding a si i ,a ruang cu luvun le sam ai tongh lo nak ding caah an tuahmi a si tiah an chim . Credit : Knowledge

Be the first to comment

Leave a Reply

Your email address will not be published.


*