A tulio coronavirus kong he pehtlai in kawlram cozah zong nih mipi deuh in um cu hrial cio dingin mipi sin ah thawngthanh nak a tuah bak in Kalay Tahan (The Methodist Church – Upper Myanmar ) standing committee hna cu meeting an thu colh ve i hi ti hin bia chah nak an tuah colh ve .Vawlei cung ngan dam nak lei ah tuanvo a la tu WHO (World Health Organization) nih hi coronavirus hi miphun le ram le boundary hrial lo in mikip sin ah a phan kho mi zawtnak a si tiah thawngthanh nak an tuah bak in kawlram cozah zong nih April thla dih tiang a bu in um ti lo ding in nawl a chuah colh ve .
Curuang ah The Methodist Church -Upper Myanmar Kalay Tahan Kha-yaine , Standing Committee nih March 16 ah meeting an tuah i May thla ding tiang zei bantuk puai hmanh tuah lo ding le an biakinn cio zong khar dih ding in nawl an chuah ve nak a si .An mah Methodist Church chung ah hin program ngan pi pi le training tuah ding mi programe suai cia mi zong tampi an ngei nain cu vialte zong cu May thla dih tiang zeihmanh tuah lo dingin cozah biakhiah ning tein nawl ngeih dingin biakhiah nak an tuah ve nak a si .
Mandalay Falam Baptish Church zong nih March 20 thok in April thla dih tiang i pumh rih lo dingin biakhiah nak an tuah ve . cu lawng si lo in Yangon Falam Baptish Church zong nih March 29 thok in a herh an ti tiang an Biakinn khar rih dingin biakhiah nak an ngei ve tiah kan theih .A tu bantuk in Covid-19 zawtnak a karh chin chin lo nak hnga tiah rampi cozah nih mibu in um ti lo dingin biakhiah nak an tuah mi naw ngeih nak he can zei maw zat chung an Biakinn khar in an programe suai cia mi vialte zong a poi ah chia lo in nawl ngaih nun a ngei mi hi upat awk an tlak hringhran .
Hi Covid-19 zawtnak hi i chawnh a fawi mi a si caah mibu in um kha hrial cio ding ah rampi cozah cio nih nawl a chuah bantuk in nawl ngeih nak he kan um cio a si ah cun hi zawtnak hi karh lei si lo in a zor lei a si lai i a rauh hlan ah Bawipa zangfah nak thawngin hna ngam lungdai tein Pathian kan thangthat than kho colh ko lai .
Leave a Reply