Khrihfa mi hna nih Pathian biaknak ah kan hman mi le khrihfa phung he ai pehtlai mi programe kan ngeih fatin te zong ah hin siseh, pumh nak le thildang dang zong ah kan hman nak bik hmun cu Biakinn hi a si . Hi khrifa mi hna i kan Biakinn ah hin Bawipa zanriah kan hmang i tipil nak zong kan ngei i thlarau riantuan nak zong Biakinn chung lila ah a lang tawn i Biakinn hi hmun thianghlim pakhat bantuk ah khrihfa mi hna nih cun kan ruahmi hmun hma a si.Cucaah cun hi Biakinn chung ah hin cun sehtan riantuan nak le ramhuai khuachia pawl riantuan nak cu a um lai lo i a langh zong an i langhngam lailo tiah ruahcio nak hmun zong a si fawn .
Asinain tutan i kan rak langhter mi hi cu khrihfa Biakinn chung bak i khuaruahhar thil a cangmi pawl an si hna . Kanmah ram ah cun thitumhnak puai an tuah tik ah sawmlo mi tiang zong in va kal a hmangmi zong kan um theu ko hna nain , ramdang ah cun sawm mi lawng bak an va kal i sawmlo mi cu kal ve a thianglo bantuk in ruah a si . Khrihfa Biakinn chung bak i thil a cangmi khuaruah har hna cu a tanglei ah tling tein relkhawh a si.1.2002 Kum ah Florida State ah Catholic Biakinn pakhat ah thil a cangmi :Preticia Adam le Daniel hi kum tampi chung ai duh cangmi an si i ai thium ding zongin biakam nak an ngei cang nain an rian ruang ah hmunkhat ah an um ti kho lo i hmun dangdang ah an um caah an mah duhning bantuk in i thitumhnak an tuah kho lo .
An pahnih cun khuakhan nak an ngei ve i 2002 February thla ah i thitumhnak ngei cang dingin biakhiahnak an tuah ve . Cuti i thiumh dingin timhtuahnak an ngeih thok bak cun a nungak nu nih cun zanchiar in mangchia lawngte a manh zungzal i khabe ngeilo mi pa pakhat nih a mang ah cun a rak buai peng a can ah a hro a can ah a dawt i a komh cuti cun zanchiar a mang poah ah hna a hnawh zungzal .Anungak nu zong nih cun ka mang hmanh siseh law voikhat hmanh ka hmuh bal lo mi muihmai tihnung tuk mi pa nih zanchiar in hna a ka hnawh mi hi cu thil sawhsawh a si bal lai lo a ti i tihnak a ngei i a pasal ding cu a chimh .
A pasal ding zong nih cun mang hna cu zeihmanh tihawk a um lo cu tiah zeirel piak lo in a um men . An i thitumhnak ni cu a hung phan i tluang tein an puai cu an dih kho .Asinain an puai ni i an video pawl cu an van zoh ciammam i an video chung ah cun a nupi nih an puai hlan deuh i zanchiar a mang ah a rak hmuh zungzal mi pa khabe ngei lomi pa cu Biakinn chung ah a rak i choklen ve mi cu an hmuh .Asinain cu khabe ngeilo pa cu Biakinn chung ah ai chok chih lio cu a hohmanh nih an hmu ve kho lo i a tutiang zeiruang ah dah hi khabe ngeilo pa hi Biakinn chung ah a rak i langh ve i a hohmanh nih an hmuh khawh hnga lo ? Cun a nupi mang ah khan ziah zanchiar in an puai hlan chung vialte kha a rak i langhnak a si hnga timi cu a hohmanh nih an thei kho thai lo .
2. 2018 Kum May thla ah Catholic Biakinn ah thil a cangmi :2018 Kum America state pakhat Catholic Biakinn pakhat ah cun member pawl an i pumh cuahmah lio ah an canhman nak cu video camera pakhat in an cover i cu video cu ahnu ah an zoh than tik ah cun an i pumhlio pi ah cun Biakinn vampang lei ah nu samsau pakhat cu a rak thu peng ve i , chikkhat te ah Biakinn tung ah cunglei ah a kai thluahmah .Hi video an zoh i tha tein an check tik ah video chung i an hmuhmi nu hi minung taktak silo in thlarau thalo a si timi fiang tein an theih . Cupin ah camera lawng nih a rak record khawh i Biakinn chung i a cawlcangh lio a hohmanh nih an rak hmuh lo mi ruahtik ah khuachia riantuan nak a si i Pathian biami khrihfa pawl Pathian kan thangthat lio ah hin ramhuai le sehtan nih a thli tein a rak kan bih ve timi fiang tein an theih nak zong a si fawn.
3.Kum 1868 ah sakmi Biakinn pakhat a hrang :Mah Hi Biakinn hi Khrihfami hna Biakinn lak ah a hrang hmasa bik a si lai tiah ruahmi a si i hi Biakinn Tower hi 1868 kum thiam ah cun sak dingin minung pahnih an fial hna i cu pahnih nih cun Biakinn Tower an sak cuahmah lio ah cun Biakinn chung bak ah an tlau ti a si i an tlau thai ti a si .Tower zong cu sak dih lo in an chiah ta i midang nih sak than dingin an pehzulh zong ah mithmuh lo in thlarau thalo nih a buai peng hna i an sa ngam ti lo tiah theih a si . Nikhat cu Biakinn i pumh lo caan ah mi pakhat thlacam ah a va kal i Biakinn chung ah cun thlarau thalo nih an rak tlaih tiah theih a si ve than fawn .Hi Biakinn i a tuanmi pastor pakhat asimi minlanghter lomi Rev pakhat zong nih Biakinn chung a um lio ah thlarau thalo nih hnahnawh nak an ka pek zungzal timi cu a hnu ah a chim ve than fawn .
Hi Biakinn hi vawlei pumpi theih in a hrang tiah a lar hnu ah 1930 kum ah Biakinn zong ah hmang ngam tilo in an dinh tak tiah theih a si .4.Biakinn pakhat minlanghter lomi ah thil a cangmi Biakinn pakhat min langhter lomi pakhat chung ah cun mi an i khomh lio ah Biakinn chung ah cun tuanglai ah thilnung tampi an vak thluahmah i ai khawm liomi hna nih cun an hmu bak lo ti a si fawn . Ahnu lawng ah phone camera nih a rak record mi an hmuh hnu lawng ah an i fiang ve fawn.Biakinn hi thianghlim te in kan chiahnak hmun a si i zumtu hna nih thlacam nak le Pathian thangthatnak hmun ah kan hman nak hmun a sinain thlarau thalo le khuachia pawl nih a thli in an rak cawlcang ve tawn timi a langhter tu a si fawn . Atang lei ah Video a um lai .
Leave a Reply