Thantlang Khua ah An i Thlak Mi “Wutt Hmone Shwe Yee le Kyaw Thet Aung ” Film A Chuak Cang (+Viodeo)

Myanmar le Korea lemcang thiam pawl i fonh in video an i thlak mi “A Flower Above The Cloud” ti mi Film cu December 19 ah tlangzarh nak an tuah cang lai tiah kan theih .hi film ah hin koream lemcang thiam lei in Actor Pyo Sang Wook le , Kawlram lemcang thiam lei in Kyaw Thet Aung le Wutt Hmone Shwe Yee , May Than Nu pawl an si hna .

Hi film hi Chin ram ai dawh nak hmun kip ah an i thlak mi a si i Thantlang khua in an thok i Kalay myo le Tedim le Rih hrawng ah an i thlak mi a si . an film chung ah hin Chin holh zong tlawmpal tete an telh chih tiah theih a si . Chief Director Zin Yaw Maung nih cun Chin ram hi lemcang nak ah a rak i dawh tuk hringhran tiah a lungtlin nak kong zong a chim ve . Korea ram ai dawh nak Busan khuapi le rili kam zong ah an i thlak chih mi film a si .

Hi film hi Myanmar le Korea i hawikomh nak tha chin chin seh ti saduhthah nak he an i thlak mi a si i International Standard bak in an thlak mi a si .hi an film a tawlrel tu bik cu Korea ram i JBJ Entainment le Myanmar BIG5 Film Production pawl an si . hi film hi Romantic film a si i lem a cang tu pawl zong nih tha taktak in an i zuam ve ti a si . korea subtitles le myanmar zong telh chih dingin timhlamh nak an ngei fawn .

Wutt Hmone Shwe Yee nih a chim mi cu ” hi Film ai dan nak cu kan hman mi hla pawl hi an i dawh tuk i hla thar lawngte an si fawn .hi film ca bak i phuah mi hla an si fawn i lemcang zong a nuam khun tiah a chim .

VIDEO

Be the first to comment

Leave a Reply

Your email address will not be published.


*