Thailand ram ah Kawlram mi Pakhat Inn dot 4nk In a Zuang i Ai That , A Ruang An theih Tik ah Ngaihchia Tuk A rak Si ee

Thailand ram Prakan ah Company i rian tuan liomi kawlram mi pakhat cu covid -19 in an zumh caah khawika hmunhmanh kal lo ding(chuak lo ding)in a umnak Room chungah cun kharkhumh a si i May ni 1 ah cun a umnak inn dot 4 cungin a tla i a thi tiah VOA nih cun a van chim. An Company i rian tuanmi cu minung 5000 hrawng an umnak a si.

Cu lakah cun covid -19 in a zawmi hi minung 5 hmuh an si i cu minung 5 he ai neihniam mi pawl cu an van dawi hna i minung 200 hrawng hi cu covid -19 in a zaw kho dirhmunah um an si.Cu caah an umnak Room cioah chuak lo dingin kharkhumh an si hna. Cu lakah cun kawlram mi zong an i tel ve hna i pakhat tu nih hin a umnak Room inn dot 4 in a tla i a thi tiah theih a si.

Ruak a buai pi tu U Min Oo nih cun company ah hin riantuan tu hi minung 5000 hrawng an um. An lakah hin covid -19 zawtnak a ngeimi hi minung 5 an si i kan hnu zarh ah khan an rak hmuh hna. Mi pa 5 cu a tak sa cu dai cang nain minung 200 tu cu kharkhumh an si. An za ten an umnak Room cioah kharkhumh an si i lengchuah an senh hna lo.

Cu bantuk in kharkhumh an si tikah a thinlung baa caah tu bantuk in inn dot 4 in a zuannak hi a si ko lai tiah a buaipi tu pa nih cun a chim. Thailand ram zongah covid-19 zawtnak hi a karh ngaingai i tu hnuah a karh chinchin lonak hnga tiah an stick ngaingai hna. Covid-19 zawtnak he pehpar in phung thar zong an tuahmi le an siammi a tam ngaingai tiah theih a si. Credit :Vapual Auaw

Be the first to comment

Leave a Reply

Your email address will not be published.


*