Thailand Lungkua Pakhat ah Khuasa Mipa nih Ramdang Nungak Muidawh Pawl a Rak i Umpi Tawn Hna Caah Taza an Cuai Nain An tei lo

Kum 47 upa “Chatupoom Losiri timi pa cu tipi kam lungkua chung ah kum 3 chung a mah te lawng in khua a sa i ramdang nungak pawl muidawh ngaimi hna pawl cu a lungkua chung ah khua ai sak pi theu tawn hna .Ramda nungak pawl zong nih cun a lungkua chung i um cu a nuam an ti tuk ve i sexy ngai in an um tti lio hmanthlak pawl tiang online ah an post i mi tampi nih an rak hmuh cio i ceihphai an tong ngai ngai .

Hi pa nih hin Thailand ram i a rak tlawngmi ramdang nungak pawl cu hmurka tha tha in a chawnhbiak hmasa hna i a hnu ah a lungkua chung ah ai luhpi hna i nuam an cem theu tawn ti a si .Ramda nungak muidawh pawl zeizat ko dah na itpi cang hna tiah an hal i a zat cu a chim duh lo i a can ah cun nupa sinak tuahlo in zankhuadei te kan i pom can hna a um tiah a chim ve men .

Russia nungak muidawh pakhat zong online chungin an i thei i a hnu ah a lungkua chung ah a sawm i can saupi chung ai umpi tiah an chim fawn .Zankhat ah ramdang nugak tampi nih a lungkua chung ah cun an va riak i zinglei an i thangh hlan ah nungak pawl taklawng in a itkhun cung i an i hngilh ko lio cu hman a thlak hna i a mah facebook ah a post hna .

Caption ah cun “Nizan cu ka baa tuk , asinain an thawh hlan ah Coffee ka rak ding diam la” tiah a tial chih .Ramdang nungak pawl a lungkua chung i ai riahpi lengmang mi hna cu pawngkam minung nih an theih tik ah an hnahchuah deuh i palik sin ah an report .Ramdang nungak pawl a hlan hna i a lungkua chung ah ai riahpi lengmang hna tiah taza an cuai i palik pawl nih cun a lungkua chung cu an va check i zeihmanh rithaisii le thil thalo an va hmu lo.

A sining tha ten an hlat hlai tik zong ah misual a si lo i , bangkok university ah degree a la cangmi a si fawn ti zong an theih .a mah hi hlasak thiam zong a si nain an band pawl an i then dih hnu ah hi lungkua chung ah hin khua a sa i zuk a suai tawn i a zuk suaimi cu ramdang pawl sin ah a zuar tawn fawn .Palik pawl nih cun a sining le a cawlcangh ning an zoh fel tik ah cozah duhlo mi le phungbuar nak in a cawlcangh mi pakhat hmanh an hmuh lo tik ah zeiti tuah awk a tha ve fawn hlei lo ti a si .

Chatupoom nih cun ramdang nungak pawl hi ka hleng hna lo i ka lem sawi fawn hna lo , an mah duhnak tein ka umnak ah hin an rak ra i a nuam an ti tuk i keizong nih a nuam ka ti bak ve ko ” tiah a chim ve . Source Dailymail

Be the first to comment

Leave a Reply

Your email address will not be published.


*