Laitlang bawlung ပြဲ lakah cun Thantlang bawlungcuih zuamnak puai tlukin zoh a nuammi le a hlunghlaimi a um lai lo. Thantlang pengtlang bawlungpuai cu Laimi caah cun Fifa world cup bantuk ceo a si. A hlunghlai kho taktak i a rak ropui ve hrim. Kan Celhtual cu zeitlukin chia hmanhsehlaw aho ramdang van hai loin a rak nuamhnak a si. Atu zong, hmailei zongah a nuam peng rih lai.
Hmanthlak i pumpalulh chuih a zoh liomi pawl an ṭhutnak hi Bawlung chuih a um tik paoh ah zapi khat-ṭhup in kan rak ṭhut tawnnak te cu si kaw mah hmanthlak van hmuh ah caan khat lio Thantlang ah a rak um balmi ramleng pem pawl kannih caah cun lungleng ngai te khi a si ko. Mah hmanthlak cu kan van uar tuk.
Kan TT celhtual hi cutlukpi in a rak ṭhangcho rih lo. Pumpululh chuih zoh tikah zapi ṭhutnak hi cunglei rian ngeitu hna tha tein rak kan sersiam piak cang hna seh law ti duh a um ngaingai. A zapi in tuah lo hmanhah atu hmanthlak i a langhnak hrawng hi hlei bantukin ṭhutnak ṭha tein tuah ahcun a zohtu hna caah siarem tuk ding le zoh dawh tukding a si .
Ahlan ahcun pengtlang tling tein rak i zuam le rak chuih tawn a si nain tukum 2019 cu Mara tlang lei an bau ruangmang. Annih hi An khualam zong a hlat fawn caah an mawh hna lo. Hmailei tu ah Pakhatnak a la te ding an si.
Credit : Iang Ngei Lairam
Leave a Reply