Tan Khun Kyaw Cu Myanmar Idol Tuanvo Ngeitu Nih An Rak Thlak Hramhram Mi A Rak Si (+Video)

Myanmar idol Season 4 zuamnak ah Top 8 in an thlak mi “Tan Khun Kyaw” kong cu a linsa chin lengmang cang . zei ca tiah mipi mithmuh le hnatheih bak in a thiam bak ko tiah ruah mi le thazang petu zong tampi a ngeitu a si ti theih tuk mi tu bantuk in Top 8 ah an thlak colh mi ruang ah hin mipi thinlung ah a hohmanh nih an cohlang kho co rih lo .Tan Khun Kyaw Top 8 ah an thlak nak a ruang hi Myanmar Idol tuanvo ngeitu lei nih cun voting tlawmbik a ngah ruang ah a tlak mi a si ko tiah an chim nain mipi nih an zum kho hna lo .

Related image

A tu ah a thar in thawngpang a chuak than mi cu Tan Khun Kyaw Myanmar Idol Top 8 in an thlak nak a ruang hi Voting a tlawmbik ruang ah si lo in a mah Tan Khun Kyaw le Myanmar Idol tuahtu cunglei upa tuanvo ngeitu hna he an karlak ah buainak a um ruang ah tu bantuk in Tan Khun Kyaw an thlak nak hi a si tiah thawng a hung thang than .hi kong he pehtlai in mi tampi thinlung ah buainak a chuak ngai ngai fawn . zei ca tiah Myanmar Idol an kalpi ning hi a lungtling lo mi tampi an um cang .

Image result for tan khun kyaw

Kawl News nih a chim ning ah cun Top 8 zuamnak song practice an tuah nak ah Tan Khun Kyaw hi cawlcangh le performance lei ah tuanvo ngeitu hna duh ning in a lam duh lo i , ziah na lam duh lo tiah an hal tik ah ka ke tanglei ah hin fahnak pakhat ka rak ngei i cu ruang ah ka duh ning in ka cawlcang kho lo tiah a chim tik ah na zuam lo in Idol ah i zuam ti lo in nan khua ah va tlung ko ca tiah Myanmar Idol Director pa nih a ti tiah theih a si .

Image result for tan khun kyaw

Myanamr Idol tuanvo ngeitu lei in Tan Khun Kyaw cung ah an lungtlin lo ruang ah thlak an duh tuk ruang ah mipi nih an zumh khawh nak hnga ca ah ti in mipi thazang pek bik mi Esther le Aye Mya Phyo he Tan Khun Kyaw kha Bottom 3 ah an rak thut ter nak a si tiah theih a si . zei ca tiah mipi nih an hlasak an hmuh i an hna in an theih cio tik ah Tan Khun Kyaw a thiam lo a ti mi an um hrim lo tik ah khatlei cun an i ven ve nak a si tiah theih a si fawn .

Image result for tan khun kyaw

Note : Hi thawngpang hi mi tampi nih a si bal lai lo tiah an zum lo nain, mi tampi nih cun a si kho mi a si ko tiah an zumh ve . nangmah na ruahnak zong rak chim ve . nangmah tein kawl News nih a chim mi hi a tang lei ah rak ngeih chih ve .

Be the first to comment

Leave a Reply

Your email address will not be published.


*