South Korea Lemcangthiam Amah Tein Ai That i A Chungkhar Caah Hitihin Ca A Tial Ta Ngaihchia Taktak A Si

Kum 27 mi Yoo Joo- eun cu South Korea lemcangthiam minthang pakhat a si.August 29,2022 chunah amah le mah ai that tiah theih a si.A thih nak kong hi a innchungkhar hna zong nih lungfak tuk buin an rak fian ter.A thih lai ah ca zong atial ti asi.Cu a catialmi zong cu a tta pa nih online chungah a rak tar.An fanu ruak cu August 31,2022 chunah an vui tiah theih a si.

Yoo Joo-eun nih a thih laiah a catial ta mi cu”Ka nu, ka pa, ka pi,ka pu, ka tta le pawl ka ngaithiam uh.Ka rak kal chung ruangah rak ka ngaithiam uh.Ka tello cun nan nunchung hi ahar tuk ve lai tizong ka theih ve ko buin ka theithiam hram ko uh.Raltha tein le nun nuam tein um khawh tu i zuam hram uh.Ka rak in cuanh Peng ve ko hna lai.Cun keimah ruangah rak tap hrimhrim hlah uh.Nan ngandamnak ca zongah a tha lo.

Caan saupi chung hi thil ka tuah dingmi kong hi ka rak ruah Peng cang caah ka ngeihchia lo.Ka phut tawk loin vawlei cungah hin nuam tein caan ka hmang kho.Asinain vawlei cung nun hi ka caah cun a za cang ko.Mi zeihmanh hi ruangah hin rak i mawhchiat hlah uh.Ka thi rih lo.Ka ruakvui nak caan ah mi tampi zong an rak chuah ka zumh ko.Vawlei cung nun hi a fawi lo, zeihmanh ka tuah huam ti lo.Ruahchannak a um lo, Vanthat nak kan duh dih, Asinain vanchiatnak a si ti ka theih.

Pathian nih a ka dawt ti ka theih ko caah hellram ah a ka thla lai lo.Ka tuarnak hi a ka theihpiak dih curuangah hohmanh thinphangin um hlah uh ” tiah a tial i a hawi le dih lak le a mah he ai neihniam mi hna dih lak sin zongah lunglomhnak bia a rak chim.Ai thatnak bik a ruang hi fiangfai tein an tarlangh lo i an hlat cuahmah liopi a si.A tapa nih cun ka farnu nih a caan hnu bik ah a ka cah ta bantuk tein hi ca hi ka rak post piakmi a si tiah a rak chim ve.

Be the first to comment

Leave a Reply

Your email address will not be published.


*