Shah Rukh Khan Nupi Le A Fapa soisel An Hlawh taktak Cang, An Nufa In India Ram Chuahtaak In New York Ah An Zaam ( Bollywood Chungkhar Zong Zei Ngaingai an rak si Hna lo Hme Hi )

India ram cu covid second wave nih a thuat cuahmah lio a si i nikhat ah zawtnak a ngeithar mi hi minung ting 3 hrawng peng an si tik ah , an him nak ding caah inn te ah i khumh ding in an i cawnpiak i an i forh cuahmah lio a si . Milar tampi zong nih an fans pawl kha lengchuak bak lo dingin an cah hna i inn chung te ah um peng rih dingin an forh cio hna .

Asinain hitluk tihnun lio ah milar lak ah cozah nawl chuahmi a rak zul bak ve lo mi an rak um ve fawn .Ngandam nak biapi ah chiah a herh bik lio can ah mi thenkhat nih cun an kal duhnak hmun Maldives le Goa hna ah holiday hmang dingin heh tiah an rakm kal ve hna .

Bollywood chungkhar milar “Shah rukh Khan” chunghar zong a tulio mipi soisel a tong bik pawl ah an tla ve .Nizan te ah khan shah Rukh Khan nupi “Gauri Khan le a fapa upa bik Aryan Khan cu international airport ah india ram chuahtak an i timh lio hmuh an si .

Guari le Aryan te nufa hi an fanu le an unaunu suhana Khan umnak New York ah i hmu dingin kal an i timh a si . Hitluk covid tam lio ah an fans pawl sin ah lengchuak bak lo dingin an cah hna i an mah tu cu an duhnak hmun ah khual an tlawng mei ko tiah mipi soisel an ton nak hi a si .

suhana hi tu ah hin New York University ah filmmaking lei a cawng i , nikum Covid a zual cingling ah khan Lockdown ruang ah USA in india lei ah a hung kir i boruak a that deuh hnu ah Big Apple ah hin a kir than mi a si . Credit :Mizo Special News

Be the first to comment

Leave a Reply

Your email address will not be published.


*