“Sangte” Te Nufa Bomhnak Phaisa US$6,700 Pek An Si Than Lo Nak A Ruang A Fiang Cang

Sangte te nufa kong cu ramkip um mi Chin mi vialte nih theih a si cang i mah le um nak hmun cio in rak tuarpi cio a si pin ah
ramkip um Chim unau hna nih mah le sian tawk cio thawh khawm in bomhnak zong pek dingin timhtuah a si i , US$6,700 bak bomhnak a chuak colh. a si nain dawtnak he bomhnak a pe tu sin ah phaisa hi khrih dih a si than lai tiah theih a si .

a ruang bik cu Sangte nih hin yangon ah keimah te in ka ra i kan pa nih ka nau ka pawi lio ah a ka kal tak a ti tik ah  mit a hmutu kawl pawl nih phaisa zeimaw zat an pek i falam lei ah an tlun ter mi cu tlung than lo in laitlang lei  a service mi motor chuah hnu minutes 30 hnu ah Sangte te nufa cu Yangon khuachung thiam ah hmuh an si than. culawng si lo in  an mah nufa pawng ah pa pakhat zong hmuh a si tik ah a mah a bawmtu kawl pawl hmanh an ruah ning a si ti lo .

zeiruang ah dah Falam lei a tlun duh lo nak hi a si ti mi kong ah fiang tein an thei kho rih lo nain a pasal he i lung rual in mi bomhnak  hmuh duh ah hi ti an um nak a si lai tiah zumh bik a si . a tu hi Yangon um mi Chin mi hna nih an nufa thawngpang hi fiang fai tein theih fian an i  zuam cuahmah lio a si . Sangte bomhnak tuah mi zong cu Falam lei tlung lo in motor cargate ah a tlau than caah bomhnak pe than lo in a bawmtu sin ah  khirh than a si lai an ti nak hi a si . an khua lei ah cun tlung taktak seh law hi an bomhnak phaisa vialte hi a kut chung ah pek a si ko hnga . tu bantuk in a tlun than lo caah mi hlen hmang  hmuh tu in hmuh a si cang i a bawmtu hna zong an ruah ning a si ti lo caah an bomhnak cu cancel a si nak a si .

Be the first to comment

Leave a Reply

Your email address will not be published.


*