‘ Sailo Thang’ nih USA Laimi Pawl Inn Tha Bakmi Cawk Dingin A Sawm Hna i “Jesuh” Sin Tu ah A Hruai Hna

Pathian bia a chimtu nih cun zeitindah mipi nih Pathian dawtnak hi an theihkhawh ve lai i an i fian khawh ve ning a si lai tiah lam a phunphun in an kawl i Pathian ram kauhnak ding caah a si khawhnak lam poah in an i zuam i Pathian rian an tuan. Tutan i kan rak thlahmi te hi tlangval Sailo Thang nih Pathian bia tawite amah facebook ah a post i mi thinung ah Pathian nih rian a tuan ngaimi cabia pakhat a si i . Hi hna post cu tiah soisel lei silo in a thatnak lei tu in na rak rel vev nak lai zong kan sawm fawn. Sailo Thang nih a tialning tein a tanglei ah kan rak langhter lai .

“U.S. inn cawk hlan ah “Clue Report” timi rel khawh a si. Inn cawk na duhmi a rawkmi vialte “Clue Report” ah langhter dih an si. Accident ton mi um maw? Flood damage a um maw? Pipe a zut mi a um maw? A chiatnak a tial i a rawkmi a tamtuk ahcun cu inn cu “Cawk Kan Duh Lo” an ti tawn.Jesuh nih hin kan “Clue Report” a ngei.

Kan hnulei tuanbia a dihlak in a chia he a tha he a theih dih, a hmuh dih. Kan lungthin a zer ning, mi depde kan si ning, a thluahchuah ning cang loin kan hman ning a theih dih. Kan nunnak tuanbia aa dawh bak lo mi a chiatnak vialte a hmuh a theih dih ko nain dawkaw “Ka Duh Tuk” a kan ti i a nunnak in a kan cawk cu. Cu bantuk dawtnak cu khoi ahhen na hmuh ti lai? Cu bantuk dawtnak cu hmun dang le midang sin kawl sual lai cih, an deuh sual lai. Khrih sin lawng a um”. Tiah Soilo Thang nih cun a tial.

Hi ca a tialmi te hi a tawite nain sermon tha taktak asi i thawngtha bia sermon puitling ngeih bantuk a  si. Pathian dawtnak a theithiamtu hna le Pathian thatnak a tep cangmi hna caah cuna thlum al nak theihkhawh a si i , amahbelte Pathian thatnak a theithiam kho ve rihlo hna caah cun hibang te hna post cu tiah soiseltu zong rak um khawh a si ve ko. Asinain minung pakhat ca tal ah that hnemnak a ngei ve ko lai timi ruahchan nak he kan rak postmi a si ti kha rak kan theihpiak hram dingin kan sawm hna. Note : Sailo nih hin inn cawkding a zuar tinak a si lo .

Be the first to comment

Leave a Reply

Your email address will not be published.


*