Laimi cu kan ruahnak a bit tuk rih tik ah News a tialtu lawng si lo in carel tu zong chan bau nak tampi a ngei rih mi lawngte kan si hna . Miphun dang Media lian pipi nih an tial mi laiholh tein kan van leh i kan van post mi zong carel tu nih an lung a rak tlin lem lo ah cun ziah hi bantuk hna cu na tial ? tial awk na theih lo ah cun tial lo in dai te khan um ko tiah heh tiah bia dawh lo pipi comment pek kan hmang.
A hman ko careltu zong sualpuh thlu awk a tha ve lo , a ruang cu catial tu cheukhat nih lih le hrok hrol rumro in ca a tialmi zong an um ve tik ah zumhlo nak thinlung cia he carel tu nih Chizawh nih zu a bawh bantuk in rak i bawh a si nak a si ve .Media timi cu a can ah thawngpang tha , a can ah thawngpang chia , a can ah nihchuak mi tete zon gtelhchih in tial le post cio a si .
Zeica tiah thawngpang a um peng lo,a um zong ah thawngpang pi lawng rel peng cu thinlung a dam velo caah careltu caah ti in a can ah nihchuak an telh i an post tawn.A si nain mipi nih heh tiah comment chia le rel nuam lo mi comment an pe hna lo . Zei ca dah hi bia hi ka chim hmasa ti si ah cun thawngpang peng kan tial tik ah hi bantuk nihchuak mi ahot pah mi kong ka van thlah tik ah careltu nih na rak theihthiam i ruahnak kau na rak ngeih thai nak hnga caah duhsak nak he biahram ka domh nak a si .
A tu ka thlahmi video hi kawlram chung ah Media lianpi a si mi Bee Entertainment , Shwe Like timi Media nih a tial mi a si . A chung ca rel lo le a video zoh lo cun phundang pi ah a ruahmi zong an um len nain a chung an lut i a video an zoh tik ah cun an nih a chuak ngai cio i a can ah cun hi bantuk tete hi rak kan thlahpiak pah tawn ko u tiah comment an pek len .Kawl palik nu le a hawinu le an bawipa cu motor chung ah an lut i an bawipa nih motor kutka a khar nak ah kawl palik nu a kut kha motor kutka in a khar chih i a fakkk..tukkkk Buu-Kyi tiah a au nak video te a si .
Leave a Reply