Atulio vawleicung mipi nih ngeihven tukmi Russia- Ukraine buainak kong he pehtlaiin Russia media ah siseh,pumpak zongin mipi ruahnak vaivuanh ter timhin thawngpang dik lo an thlah.Thawngpang dik lo le siamcopmi video darhmi lakah mipi nih ngeihven a hlawt bikmi pakhat cu” mithi bantuk bakin vawlei cungah puannakmi in aikhuhmi mipi tampi hmaiah reporter nih thawng a thanh lio” video hi a si.
Video tawiah cun”reporter nih thawng a thanh lio ah cun a hnulei in mithi bantuk in ai khuh mi mi pakhat a cawl len lio le mi pakhat nih rem tein puan a va khuhpiak lio cu” an rak langh.Mipi hlennak caah,an remh thanmi video nih cun Russia Verify aacount pakhatin online ah an rak thlah i social media i an thih termi Ukraine rammi mithi an thawhthan lio cu live camera ah a rak lang dih than.An thil phuah chommi cu social media ah a rak lar taktak.
Cu video tuah chommi cu mitam pinih, ramdangdang mi hna zongnih a ruah awk le a hlat awk thei ve lem loin a takah a ruah mi an tam tuk i online chung ah ah biatak ngai in arak chia tu an tam ngaingai ti asi. A taktak ah cun hi video thlah darh mi hi Ukraine ramah an rak thlakmi a rak si lo.Vawleicung nikhua boruak he pehparin Climate change protest duhlonak an rak tuah lio video tu a rak si.
Leave a Reply