Rohingya Khirhfa mi an Hrem hna i Pastor fanu zong Tlaihhrem a ton pin ah Biaknak dang ah an luh pi, Thlacam bawmh an herh taktak – Thil sining hi van rel ve

Myanmar ram in Bangaladesh ah a zam mi “Bengali Kala” (Rohingya) hna lak ah hin chungkhar 22 bak te cu Khrihfa chungkhar an rak si. An nih ralzam pawl um nak hi Cox Bazar camp ti a si. Hi an um nak camp ah hin Khrihfa mi hna cu an va kal hnawh hna i an Pastor pa le a fanu kum 14 nu te cu an tlaih hna i an kal pi hna tiin thawng kan theih.

Midang pawl zong hi fak ngaingai in kut an thlak hna hnu ah an um nak in le lo pawl zong cu an hrawh piak fawn hna. An tlaih mi Pastor pa i a nupi nih a chim ning le bang ah cun kan pa hi a nun zong ka zum ti loh an thah cang men lai tiin a chim. A fanu zong hi Islam pawl nih Islam zumhnak ah an luh ter i sualpi zong a ton hnu ah pasal zong an ngeih ter tiin thawngpang hi theih a si fawn.

Hi Refugee Camp ah hin Bengali mi 700,000 hrawng an um mi cu hna lak ah cun minung 1,500 hrwang hi cu Khrihfa mi an si tiin theih an si. Kawlram ah le an him loh India ram ah le an him loh. Hi a him lo mi Rohingya hna lak ah hin Khrihfa mi an rak um ve mi hi a poi bik nak a si.

Image may contain: 4 people, selfie and closeup

Chiristian Today

Be the first to comment

Leave a Reply

Your email address will not be published.


*