Rambuai Ruangah Ramdang Kalnak A Lem A Tuahtu ‘Puaisa A ttuh’ Nu Hi rak i Chinchiah Ve Na Chungkhar Unau Rakchim Chung Ve Hna

Myanmar ramchung a buai ruangah mino cheukhat tampi hna cu ramdang ah kal in riantuan dingin an vakvai hna.Culio takah mihlen ding hawl in puaisa lem a tuan mi zong an karh chin ve hna caah ralrin a herh taktak.Kawlram minung pahnih hna zong Thailand ramchungah riantuan ding an hawl i puaisa lem tuahmi pakhat nih a rak hlen.

Minung pakhat ah 2,500 a hal i pahnihah 5,000 baht a hal.Phaisa an pek dih hnuah amah cu an chawn kho ti lo i an lungrethei tuk.Thailand ramchung i kawlram mi pawl bawmtu pakhat nih” Tulio hi i ralrin taktak a herh,puaisa deu an tam tuk.Facebook chungah zumhawk tlak ngai in mi an chawnh ruangah zumtuk colh hlah.

Mihlen hmangmi hna nih mi hmanthlak an fir i tha ngai in an i tar tawnmi a si.Ramdang nan kal hlan, riantuan ding nan hawl hlanah nan chawnh biakmi puaisa kha zei bantuk dah a si ti kha hlathlai dih uh.An i hlen cang hnuah cun tleih khawh timi an har tuk cang.

An konglam hlathlai nak ding alam zong ahar ngai cang.Curuangah ralring tein um uh,kan sikhawh chungin kan in bawmh kan i zuam hna lai”tiah a tarlangh.Ram abuai tikah mipi nih ramleng lei chuah a duhtu antam tiah mi hrokhrolpawl nih caantha rak i lak ve in mipi hlen a hmangmi an um lengmang caah i ralrin ngaingai a hau cang.

Be the first to comment

Leave a Reply

Your email address will not be published.


*