Ralkap Sin ah Mipi Biathli a rak Chimphuang Lengmangtu Theih An Si Cang

Kan ram kawlram buainak ah mipi cawlcanghnak phunphun a thli ten a rak chim peng tu an um ve i mi zei pawl dah an si cu hna lak cun zeitin dah kan i ralrin lai ti mi cu fak ngaiin rak chim a si bantuk in tu tan zongah cu bantuk minung neihniam tiah ruahkhawh mi cungin zeitin dah kan i ralring lai mi cu cu rak tarlangh an si cang.

Mipi cawlcanghnak phunphun le timhtuahnak phunphun ralkap sin i a rak chim peng tu hna cu USDP party cun CDM tuah lomi cozah riantuan pawl ralkap le palik chungkhat a simi vialte an si tiah theih a si. Cucu kawlram chung hmun zakip chungah a cangmi lawng te a si i cheukhat palik sin i biachim tu hna cu tleih an si cang nain cheukhat cu tleih rih lomi zong an um.

Cu ruangah kan khua kan umnak hmunkip ah USDP party Cozah riantuan liomi CDM tuah lomi pawl cun ralkap le palik riantuan mi chungkhat unau pawl sinin i ralrin ding a si lai. An sinah mipi cawlcangh ning kong te hna kha duh paohin chim lo ding. An mah nih ralkap sinah an chim lo zongah midang pakhat khat sinah an chim theu tawn . Ralkap sinah mipi cawlcangh ning thilthup an chim khawh paoh a siah cun phaisa zong an pek hna tiah theih a si.

Cu pin ah ralkap zong nih cun an mah sin i mipi cawlcangh ning an chim khawh paoh ah cun an nunnak zong veng dingin bia an kamh ve hna ti zongah theih a si. Cheukhat ralkap pawl sin i bia chim tu pawl an tleihmi hna cu USDP party CDM tuah lomi cozah riantuan pawl cun palik ralkap chungkhat unau pawl an si hna tiah theihternak an van tuah.

Be the first to comment

Leave a Reply

Your email address will not be published.


*