Ralkap nih AnRak Balmi Kum (5) HNgakchia Nute Cu Ramtang Ah Training A Kai Liomi Hna Caah Atikhawh Tawkte ‘Hmathak ‘A Phomhpiak Chih Ve Hna

Pyin Oo Lwin District Mogok khua i um mi hngakchia kum 5 te lawng a simi Suh Htat Win cu a hringtu a pa ai ah ralkap pawl nih amah tu an rak tleih ti si.Hringtu a pa U Soe Htay cu tutan dothlennak ah ai tel ruangah ralkap pawl nih cun tleih dingin an ti i a inn ah tleih ding i an va kal tikah a rak um lo i a nupi le a fa le pahnih cu an tleih hna ti si.

A fa nu kum 5 mi cu an chuahcang ti theih a si.A nupi le a fa nu upa deuhmi tu cu kum thum chung thongtla dingin an kong ceih a si.Mandalay Oh BO Prison ah an khumh hna ti theih a si.Hngakchia kum 5 mi Suh Htat Win nih cun thonginn chung i a har ning kong cu lenglei mipi sinah a chim khawh ve.

Rawl ei dingmi hi khim tein pek a um bal lo i ek inn chung ti in a tak zong kai kholh tawn tiah a chim.Tuah cun hringtu a pa nih a lak cang i tu lio cu ramlak ah khua an sak cuahmah lio a si ve.A pa ca le mipi ralkap pawl caah hmathak an ei dingmi a phomh piak hna lio hmanthlak cu a pa nih online ah a tar i online mipi pawl cu an i lawm ngai ngai ti si.

U Soe Htay nih a nupi le a fanu upa tu cu thonginn chung i an um lio ruangah tutan dothlennak ah hin thihngamh in raldo ai timhnak kong zong a chim.Myanmar San konglam ah U Soe Htay te inn chungkhar cawlcanghnak hna cu a dai ti lai lo.

Be the first to comment

Leave a Reply

Your email address will not be published.


*