Ralhrang Pawl nih Thurhnomhmi Ṭaal Baptist Church Cu Sathi Lonhnak In Pathian Sin Ah Ap nak An Tuah Than

Falam Christian Minister Fellowship tawlrelnak in Pathian riantuan tu Pastor 40 reng lo nih cun August 28 ah Taal Baptist Church thianhlimnak caah Pathian sinah ap nak thlacamnak an ngei ti theih a si.SAC ralkap pawl Taal khua i a voihnihnak an luh tan ah hin Biakinn an rawk i Pathian hla cauk le Baibal cauk pawl hna cu an thleh dih hna caah Biakinn Pathian sin apnak thlacamnak an tuahnak cu a si.

Inn 36 le minung 160 tluk umnak Taal khua i mi pakhat nih cun kan khua ah kawl ralkap pawl voihnih tiang an rak lut cang.Hmaisa i an rat tan ah cun kan sunghmi a um tuk lo nain August 9 i an rat tan tuah cun khuami nih kan sungh zatlakmi a tam ngaingai tiah a rak chim.Ahlei in kan lungfah bik mi cu kan Biakinn thiang an kan rawk piakmi le Bible cauk le hla cauk pawl duh tawkin an kan hlonh piakmi pawl kan ruah tikah hin kan thinlung fak khun ko tiah CH sinah an rak chim.

FCMF hotu Rev.Joel Za Hlei Kap zong nih a tu kan thil tonmi hi Taal khua Baptist hna lawng nih kan tonmi thil a si hrim lo. Chin miphun zate le Christian zate nih kan tuarmi thinlung fakmi a si ruangah khrihfabu zate i Pastor pawl sawm in Pathian sinah apnak thlacam nak kan tuahmi hi a si tiah a rak chim.

Falam Baptist zung nih tutan i Pathian sinah Biakinn apnak kan tuah mi ah hin vok an thah i sathi lonhnak zong an tuah i inntek Pastor Rev.Thawng Ir nih cun a tu bantukin pengkip in hi bantuk in nan rat mi nih hin kan thinlung fahnak le kan beidonghnak ah ruahchannak nan rak kan pek tuk tiah a chim.Taal Baptist church cu April 12.2019 ah rak on mi a si i SAC ralkap pawl nih August thla thok hrawngah an rak thurhnawmh mi cu FCMF zong nih siseh ICA he ai bawm mi hna nih demnak ca an chuah tiah theih a si.

Be the first to comment

Leave a Reply

Your email address will not be published.


*