Ralhrang Lak In An Himnak Ding ah An Ruahmi An Khur Chung Te ah An Chungkhar In An Nunnak A Liam Ee

Kayin ramkulh,Ba-an-peng,Kawyin khuami chungkhar member 4 hna cu ralhrang lak in an himnak dingah tiin khur an cawh michung ah,bomh le meithal kuan tih ah an i dor i cu an cawhmi khurchung te ah cun an chungkhar tein an nunnak a liam tiah kan theih.

Hithil  hi October 9,zinglei sml 9 hrawng ah a cangmi a si i mithi ruak a chuahtu lakah ai tel vemi pakhat nih a chim ning ah cun “ဒေါ်တင်လှိုင် (kum 63), နော်မြစိန် (kum 39), နော်တင်လှမွှေး (kum 33), နော်အေးစပယ် (kum 30) pawl an si i an thihnak a ruang hi oxygen a umlo ruang ah a si ko “tiah a chim.

No description available.

Khur an cawhmi hi pee 6 in a thukmi a si i a kauhlei hi pee 14 a si i a luhnak hi pee 2 kau a si. “Rallakin himnak caah tiin khur kan cawh a si zong ah a cunglei in luhnak tuahmi hi cu a him tuk lemlo.Zeicatiah cunglei in thli a luhnak tuahmi hi cu duhning in thlithiang alut kho tilo i khurchungin thli thurhnawm a tam.

Cucaah , a sir lei tu in luhnak i tuah sehlaw minung caah a himbik “tiah ruak a chuahtu ngandamnak lei a tuanmi pakhat nih cun a chim ve . Ralkut in luatnak lam an kawlnak ah an nunnak a liam hi an thawngpang a theitu mipi thinlung a fak tuk cio .Himnak ah ruahmi tu nih an chungkhar te in an nunnak a lak ruangmang ko hna ee ngeihchia a va si hringhran dah.

Be the first to comment

Leave a Reply

Your email address will not be published.


*