Rak Rel , Kawlram Bak ah A Cangmi Thil Asi Ko Hih : Online Chung i A Tlangvalpa Sin ah A Va Zaam i A Thilton Cu>>>>???

Karen nungak kum 18 tluk a simi cu a nu le pa nih an sik caah an inn in a chuak.Nungak nute cu inn i a chuah tikah khoika kal nak a thei kho lo i a donghnak ah cun online chung i ai duhmi a tlangvalpa umnak Thongwa khua ah a va kal i a tlangvalpa cu a hawl len nain a hmu kho lo.Online chung i ai duhmi pa nih cun an i chawnhnak vialte cu a delete dih caah lungrethei in khua lakah cun a vakvai.

Vanthat tukah an khuachungah nu pakhat mitha ngaimi Daw Myint timi nu nih arak hmuh i dawr ah thil eiti dingin a auh  i a cung i thil cangmi vialte cu achim.Online chung i atlangval pa he cun atakin voikhathmanh an i hmu rih lo.Kum 30 tluk hrawng a si tiah a chim.A zaan ah cun Daw Myint nih cun a inn ah a riah ter i a cawnpiak len.A thaizingah an khua nih zung pakhat an chiahmi ah a va kalpi nain zung an rak ong rih lo.

Khuachung mibawmtu pawl sinah thilcangmi cu a va chimh hna i an khuachung i mibawmtu pawl cu an pehtleih hna.Cuticun mibawmtu bu hna nih cun nungaknu te cu him dam tein an inn ah an va chiah than.Daw Myit nih cun” Nu ka si ve bantukin ka ruat tuk.Mifir le misual he hna i tong hna sehlaw hi Karen nungak nute nun cu a dih ko hnga.

Online chung i a tlangvalpa zong cu nupi ngei liomi rak si hoi sehlaw zeitindah a hei um la.Nan fanu le pawl tha tein zohkhenh cio hna uh.Nungak note nunnak rawk lai ka Sian lo tuk ruangah ka caan vialte pekin ka bawmh.A min cu Hla Hla Win a si i, Irrawaddy,Natgyikone khua i um mi U Kyaw Naing Tun le Daw Cho Lay hna i an fanu a si” tiah a rak chim.

Be the first to comment

Leave a Reply

Your email address will not be published.


*