Putar Pakhat A Fapa nih A Thawl i Umnak Ngeilo In A Vak Mi Cu “Pastor Mabiak” nih rawl A Va Pek (+Video)

Pastor Mabiaka te chungkhar hi Mon state ramchung ah Pathian riantuan in a um cuahmah liomi an si i an khuachung ah putar pakhat a fapa nih a tthawl i umnak ngeilo in a vai mi kawl putar pakhat cu dawtnak le zangfah nak thinlung te he an va tuam hlawn .Kawl putar pa hi a fapa nih inn in a thawl caah umnak ngeilo in a um i lamkam thlam pakhat te ah a riak tawn .

Asinain a riahnak thlam cu thlichia nih a hrawh dih tik ah riahnak a ngei tilo i sianginn ah a va riak.Sianginn a riahnak hi hngakchia pawl sianginn an kai rihlo caah a riah khawhnak a si i sianginn an kai cun a riak kho tilo ding a si fawn .Hi putar pa hi innlei a chungkhar pawl zong nih an ngeihven duh tilo i rawl ei awk zong ngeilo in rawltam tihal in a um cang .

A ke zong a tha lo i thiangthunh he a vak , cu thawngpang cu Pastor Mabiaka te chungkhar nih an theih tik ah an zangfak tuk i a ran nak in an va fuh colh ve i rawl ei ding le tidin ding an va pek .Pastor Mabiaka te chungkhar nih hin an mah umnak inn zong ah hruai an timh ko nain an sangmi pawl nih , na hruai ah cun a fapa nih buainak a rak tuah lai an ti caah a hruai khawh lo nak a si .

Rawl eiding an va pek i nidang zong ah pek than peng dingin an i tim . A fapa nih a tthawl nak a ruang bik hi ro kong ah a si lai tiah an zumh cio .”Mi sifak le mi harsa na bomh mi hna kha keimah na ka bomh a si” tiah jesuh nih a chim mi cu a tak in pastor mabiaka te chungkhar nih an nunnak ah an langhter . (Video)

Be the first to comment

Leave a Reply

Your email address will not be published.


*