Pu Lalawmpuia Caah Mipi Sin Thlacam Sawmnak || March 30 Ni Pu Lalawmpuia nih A inn A Rak hrenhmi Cu Pathian Chim Ko A Lo (Thinphan Cu A Dai Hlei Lo )

The hakha Times i CEO atuan cuahmah liomi Pu Lalawmpuia caah thinphang a si caah thlacamnak in bawm hna usih . Pu Lalawmpuia hi ralkap nih uknak an lak hnu ah voikhat an rak tlaih cangmi a si i zankhat thonginn chung ah an riah ter hnu ah an thlah than mi a si .

Thonginn chungin a chuahka te ah a mah Papuia zong nih Media pawl sin ah hi ti hin a rak chim bal .“Nanmah kan mah pawl hi ralkap nih biatak tein a kan ngiatmi kan si caah kan i ralrin ngai cu a hau ko . Tutan keimah ka thilton mi bantuk hi nanmah zong nikhat khat ah cun nan ton can a phan khomi a si caah ralrin tele raltha tein um i zuam ve hram ko “tiah Media riantuan pawl a naule zongn a rak chimh bal cang hna .

Ralkap nih an tlaih i thonginn ah zankhat an chiah i an thlah hnu ah cun Pu Lalawmpuia cu a mah le a riante Media rian cu pehtlai tein a tuan chih thiamthiam i kawl ralkap pawl riantuan ningn le an diklo nak vialte cu ramchung ramleng ah a pholangh thiamthiam .Pu lalawmpuia thawngin laimi ramkip um mi nih kan ram sining vialte kan rak theih khawh phah i laipa paraltha taktak le upat awktlak tukmi a si ti cio a si .

Tutan March 30 ah cun Hakha ralkap pawl nih Pu Lalawmpuia a umnak inn cu an va kulh i tlaih dingin timhtuahnak an ngei nain an mah hi inn ah an rak um lo i an inn tawh an hrenh caah a luat tiah theih a si .

Tutan ralkap nih a inn an kulh hi a voihnih nak tlaih an timh a si ko tiah ruahcio a si i an tlaih khawh sual ah cun fawi tein an thlah colh tilo khomi zong a si caah Pu lalawmpuia caah hin hmunkip um mi laimi nih thlacam nak in rak bawm cio hna u sih tiah kan in sawm hna .Credit :The Hakha Times