Paletwa Chin Ralzam Hrang ah Fangfak Dik (830) A Phurtu Motor Lian mi (10) Chawnh Khawh An Si Ti Lo

Chin ramkulh Paletwa peng i mi harsa pawl caah facang tun 830 a phurtu Motor lian 10 cu April 16 ah khan an chuak cang nain a tu tiang Paletwa an phan rih lo ti a si i an mah zong chawnh khawh an si lo i khawika an um zong an thawng theih a si lo tiah kan theih .Phone line a that lo ruang zong ah a si kho , April 16 ah Sami khua in an chuak cang tiah kan theih i Motor lianmi 10 in fangfak tun 830 an phurh . Singsin khua an phak tiang cu an thawngpang kan theih hna nain cu pin cu chawnhkhawh an si ti lo i tu ni tiang Paletwa an phan kho bal lo i kan lungre lawng a thei ko cang tiah ‘ Paletwa ralzam hruaitu upa pakhat a si mi nih Khumi Media sin ah a chim .

Sami le Paletwa cu peng 40 hrawng lawng a hlat mi a si i April 16 ah Sami khua in an rak chuak cang ti kan theih fawn i a tu ah cun Paletwa cu an phak tuk cang ding a si .Sami in Paletwa ah fangfak tun 885 kuat ding ti a si nan Sami in an chuah hnu ah an motor pakhat aa rawk i fangfak tun 830 lawng kuat than a si . fangfak tun 830 a phur tu motor lianmi 10 zong cu a tu ah cun Paletwa a phan tuk cang ding an si ko nan an mah zong chawnh khawh an si lo tik ah an motor maw a rawk maw accident maw an ton maw tapung dah an i ton , an konglam zeihmanh kan thei kho hna lo tiah Khumi Media sin ah an hruaitu nih a chim .

Ref : Khumi Media

Be the first to comment

Leave a Reply

Your email address will not be published.


*