NUG Cozah nih Buainak Nganpi A Chuak Kho Cang Tiah Kawlram Mipi Ralrinnak A Pek Cia Ve Cang Hna

Tuni june 23 niah NUG cozah nih cun Myanmar mipi pawl cu bia tak tein ram a buai chinchin khawhmi zong a si caah zeitik caan paoh ah ralring tein um peng kan hau hna tiah mipi pawl cu ral rinnak a pek hna. Ralrinnak ca zong cu hmunthum ah a tar hna.Pakhatnak ah cun cawngkhoi chungah thil timh cia tein chiah dingmi hi an si .

Cu hna pawl cu thil hruk dingmi a zaan deuhmi ‘ thlachiar hman pengmi pawl’ sii ai kuttawlnak le mask ‘ mei inn ‘ changro mi’ Khaohsuai sau deuh chiah khawhmi pawl’ datmei’ moka’phone tunnak le a dangdang cazin a herhmi pawl ti bantuk tete cu ralring tein i chiah peng ding si lai tiah an chimh hna.Pahnihnak ah buainak a tlun tikah zeitin dah kan um te lai timi cu mah le chungkhar cio nih i ceih cia hna uh.

Inn chuah tak ding a si zongah i tonnak hmun ti bantuk pawl zong i chim cia hna uh. Chungkhat pawl i chawnh khawhnak phone no cu nan taksa ah nan i tial cia lai.Inn ka tha tein khar dih ding a si i buainak a chuah tikah meihri zong phoih ding. Thil zaangkhai mi hruk ding.

Thilri herhmi pawl ken ding a si lai.Zei tik caan paohah ralring tein um peng ding si lai. Pawngkam thawngpang buainak cu ngeih peng ding a si lai. Inn chuah tak a hauh le hauh lo zong neihniam bik sinah hal ta ve ding. Ei le din dingmi zongah zarhhnih chung i za dingmi in i kawl cia hna uh.

Cu pawl cu facang ‘sau deuhin chiah khawhmi ei din pawl cun datsa le ti tiangin neih a hau i hngakchia le mi cak vak lo ca tiangah rak i ralrin cia a hau tiah an chim. A tu i an chim mi dihlak cu myanmar mipi pawl cu NUG cozah nih ralrinnak a pek taktak mi hna a si. Zeidah a duhnak a si raldo ding ni maw phuan a timh cang le a si hnga timi zong theih khawh a si rih lo. Bia um tuning zoh tikah boruak a so sang ngai i khawika ah dah buainak hi a um te lai timi zong cu rak tar chih a si lem lo.